1-2. Ni sababu gani moya inafanya tupendezwe na kitabu ya Ufunuo?

 MUTU fulani alishakakuambia uangalie picha zake? Wakati uko napitisha picha mbalimbali unaona sura ya watu wenye haujue. Lakini wakati unaendelea kupitisha, unaona picha moya hivi na unaiangalia sana. Juu ya nini? Juu uko ku ile picha. Wakati unaendelea kuiangalia muzuri, unapima kukumbuka wakati na fasi kwenye ile picha ilikamatiwaka. Unapima pia kukumbuka kila mutu mwenye iko ku ile picha. Ile picha ni ya maana sana kwako.

² Kitabu ya Ufunuo iko sawa ile picha. Juu ya nini? Tufikirie tu sababu mbili. Kwanza, ile kitabu iliandikiwaka kwa ajili yetu. Mu mustari tu wa kwanza tunasoma hivi: “Ufunuo kupitia Yesu Kristo, wenye Mungu alimupatia ili kuonyesha watumwa wake mambo yenye yanapaswa kutendeka karibuni.” (Ufu. 1:1) Kwa hiyo, mambo yenye imeandikwa mu ile kitabu haiko kwa ajili ya watu wote. Ni kwa ajili yetu siye wenye tumejitoa ili kumutumikia Mungu. Juu tuko watu wa Mungu, hatupaswe kushangala kuona kama na siye tuko tunatimiza ule unabii wenye uko mu ile kitabu yenye kupendeza. Mu maneno ingine, ni sawa vile na siye tuko mu ile picha ya mufano, ni kusema kitabu ya Ufunuo.

3-4. Kitabu ya Ufunuo inaonyesha kama maunabii yenye kuwa ndani ilipaswa kutimia wakati gani, na ile inapaswa kutuchochea kufanya nini?

³ Sababu ya pili inahusu wakati wenye ile maunabii ilipaswa kutimia. Mutume Yohana alionyesha wakati wenye ile maunabii ilipaswa kutimia. Alisema hivi: “Kwa muongozo wa roho nilikuja kuwa katika siku ya Bwana.” (Ufu. 1:10) Wakati Yohana  aliandika ile maneno mu mwaka wa 96 hivi kisha kuzaliwa kwa Yesu, “siku ya Bwana” ilikuwa ingali mbali. (Mt. 25:14, 19; Lu. 19:12) Lakini unabii wa Biblia unaonyesha kama ile siku ilianza mu mwaka 1914 wakati Yesu aliwekwa kuwa Mufalme mbinguni. Kuanzia ile mwaka na kuendelea, maunabii yenye kuwa mu kitabu ya Ufunuo, yenye inahusu watu wa Mungu, ilianza kutimia. Ndiyo, sasa tunaishi katika “siku ya Bwana”!

⁴ Juu tunaishi mu hii kipindi ya pekee, ni siye njo tunapaswa kukaza uangalifu ku shauri yenye upendo yenye iko mu Ufunuo 1:3: “Mwenye furaha ni ule mwenye anasoma kwa sauti na wale wenye wanasikia maneno ya unabii huu na wenye wanashika mambo yenye yameandikwa ndani, kwa maana wakati wenye uliwekwa uko karibu.” Kwa kweli tunapaswa ‘kusoma kwa sauti,’ ‘kusikia maneno ya unabii huu,’ na ‘kuishika.’ Tuzungumuzie maneno fulani ya hii unabii yenye tunapaswa kushika.

5. Namna gani kitabu ya Ufunuo inaonyesha kama tunapaswa kuhakikisha kama Yehova anakubali ibada yetu?

⁵ Mu sura ya kwanza ya kitabu ya Ufunuo tunajifunza kama Yesu anajua mambo yenye iko nafanyika mu makutaniko ya watu wake. (Ufu. 1:12-16, 20; 2:1) Yesu alionyesha vile kupitia mambo yenye aliambia Yohana aandikie makutaniko saba ya Asia Ndogo. Yesu alitoa muongozo wenye kuwa wazi juu ya kusaidia Wakristo wa karne ya kwanza wahakikishe kama Yehova anakubali ibada yao. Na mambo yenye alisema inahusu pia watu wa Mungu leo. Mambo yenye alisema inatufundisha nini leo? Kiongozi wetu Yesu Kristo anajua muzuri hali yetu ya kiroho. Anatuongoza na kutulinda na anaona kila kitu. Anajua mambo yenye tunapaswa kufanya juu Yehova aendelee kutukubali. Alitoa muongozo gani wenye tunapaswa kutii leo?

6. (a) Kulingana na maneno ya Yesu mu Ufunuo 2:3, 4, kutaniko ya Efeso ilikuwa na tatizo gani kubwa? (b) Ile inatufundisha nini?

⁶ Soma Ufunuo 2:3, 4. Hatupaswe kupoteza upendo wenye tulikuwa nao wakati tulianza kumutumikia Yehova. Ujumbe wenye Yesu alitolea kutaniko ya Efeso, ulionyesha kama Wakristo wa ile kutaniko walionyesha uvumilivu na hawakuacha kumutumikia Yehova, hata kama walipata magumu mbalimbali. Lakini walipoteza upendo wenye walikuwa nao ku mwanzo. Walipaswa kurudisha ule upendo. Juu kama hawangefanya vile Yehova hangekubali ibada yao. Na siye leo tunapaswa kufanya mengi zaidi kuliko tu kuvumilia. Tunapaswa kuwa na sababu za muzuri zenye zinafanya tuvumilie. Juu ya nini? Juu Mungu wetu anafurahia mambo yenye tunafanya, lakini zaidi sana anafurahia sababu zenye zinatuchochea kufanya ile mambo. Sababu yenye inatuchochea tumutumikie ni jambo ya maana kwake, juu anapenda tumutumikie kwa sababu tunamupenda na kwa sababu tuko wenye shukrani kwa ajili ya mambo yenye anatufanyia.​—Mez. 16:2; Mk. 12:29, 30.

7. (a) Kulingana na Ufunuo 3:1-3, Yesu alionyesha kama kutaniko ya Sardi ilikuwa na tatizo gani? (b) Tunapaswa kufanya nini?

⁷ Soma Ufunuo 3:1-3. Tunapaswa kuendelea kuwa macho. Wakristo wa kutaniko ya Sardi walikuwa na tatizo yenye ilikuwa tofauti na ile ya Wakristo wa Efeso. Hata kama walikuwa wanamutumikia Yehova zamani walianza kuacha kutenda. Njo maana Yesu aliwaambia ‘waamuke.’ Ile shauri inatufundisha nini? Ni kweli kama Yehova hatasahau kazi yetu. (Ebr. 6:10) Lakini hatupaswe kusema  kama juu tulimutumikia Yehova zamani ile inatosha. Hata kama pengine mambo fulani inatuzuia kumutumikia Yehova sawa zamani, tunapaswa kuendelea kuwa na bidii mu “kazi ya Bwana,” na kuendelea kuwa macho mupaka mwisho.​—1 Ko. 15:58; Mt. 24:13; Mk. 13:33.

8. Maneno yenye Yesu aliambia kutaniko ya Laodikia yenye kuwa mu Ufunuo 3:15-17 inatufundisha nini?

⁸ Soma Ufunuo 3:15-17. Tunapaswa kumutumikia Yehova kwa bidii na kwa moyo wote. Ujumbe wenye Yesu alitolea Wakristo wa Laodikia ulikuwa pia tofauti. Ibada yao kwa Yehova ilikuwa “vuguvugu,” ni kusema haikuwa baridi wala moto. Juu hawakuhangaikia mambo ya kiroho, Yesu aliwaambia kama walikuwa ‘wenye taabu na wa kusikiliwa huruma.’ (Ufu. 3:19) Iliomba wajikaze kumutumikia Yehova kwa bidii sana. Ile inatufundisha nini? Kama bidii yetu inapunguka, tunapaswa kujikaza kufurahia zaidi mambo ya kiroho yenye tuko nayo. (Ufu. 3:18) Hatupendi hata kidogo kuacha mawazo ya kupenda kuwa na maisha ya muzuri itukengeushe na ituzuie kutia mambo ya kiroho pa nafasi ya kwanza.

9. Kulingana na ujumbe wa Yesu kwa Wakristo wa kutaniko ya Pergamamu na ya Tiatira, tunapaswa kuepuka nini?

⁹ Tunapaswa kuepuka mafundisho ya waasi-imani. Yesu alikaripia Wakristo fulani wa Pergamamu juu walichochea migawanyiko na mazehebu. (Ufu. 2:14-16) Alipongeza Wakristo wa Tiatira wenye waliepuka “mambo mazito ya Shetani,” na aliwatia moyo ‘washike sana’ kweli. (Ufu. 2:24-26) Wakristo wenye walikuwa wazaifu na wenye walianza kufuata mafundisho ya uongo, walikuwa na lazima ya kutubu. Halafu siye leo? Tunapaswa kuepuka kila fundisho yenye kupingana na mawazo ya Yehova. Waasi-imani wanaweza ‘kuonekana kuwa na ushikamanifu kwa Mungu,’ lakini wako “wanakana nguvu za ushikamanifu huo.” (2 Ti. 3:5) Kama tuko wanafunzi wazuri wa Neno ya Mungu, itakuwa mwepesi kwetu kuepuka mafundisho ya uongo.​—2 Ti. 3:14-17; Yud. 3, 4.

10. Maneno yenye Yesu aliambia Wakristo wa Pergamamu na Tiatira inatufundisha jambo gani ingine?

¹⁰ Tunapaswa kuepuka kabisa uasherati. Kutaniko ya Pergamamu na ya Tiatira ilikuwa na tatizo ingine. Yesu alikaripia watu fulani mu ile makutaniko juu hawakuepuka uasherati. (Ufu. 2:14, 20) Ile inatufundisha nini? Kama  tuko na matendo ya uasherati hatupaswe kutazamia kama Yehova atatukubali juu tu tulishamutumikia kwa miaka mingi ao juu tu kwa sasa tuko na madaraka mingi. (1 Sa. 15:22; 1 Pe. 2:16) Anapenda tuendelee kufuata kanuni za juu za mwenendo, hata kama tabia za watu wa ulimwengu zinaendelea kuharibika.​—Efe. 6:11-13.

11. Kufikia hapa tumejifunza nini? (Ona pia kisanduku “ Mambo Yenye Tunajifunza Leo.”)

¹¹ Kufikia hapa tumejifunza nini? Tumeona kama tunapaswa kuhakikisha kuwa Yehova anakubali ibada yetu. Kama tuko nafanya jambo fulani yenye inaweza kufanya Yehova asikubali ibada yetu, tunapaswa kufanya mabadiliko bila kukawia juu Yehova atukubali. (Ufu. 2:5, 16; 3:3, 16) Yesu alizungumuzia jambo ingine mu ujumbe wenye alitolea makutaniko. Ni jambo gani?

12. Mambo yenye Yesu aliambia kutaniko ya Smirna na ya Filadelfia inaweza kutufundisha nini? (Ufunuo 2:10)

¹² Tuzungumuzie sasa mambo yenye Yesu aliambia kutaniko ya Smirna na ya Filadelfia. Aliambia Wakristo wa ile makutaniko wasiogope mateso. Juu kama wangebakia waaminifu wangepata zawabu. (Soma Ufunuo 2:10; 3:10) Ile inatufundisha nini leo? Tunapaswa kutazamia kama tutapata mateso na tunapaswa kuwa tayari kuivumilia. (Mt. 24:9, 13; 2 Ko. 12:10) Juu ya nini ni jambo ya maana tusisahau ile?

13-14. Maneno yenye kuwa mu Ufunuo sura ya 12 imekuwa na matokeo gani juu ya watu wa Mungu?

¹³ Kitabu ya Ufunuo inaonyesha kama watu wa Mungu wangeteseka mu siku ya Bwana. Na njo kipindi yenye tuko naishi. Ufunuo sura ya 12 inaonyesha kama vita ilitokea mbinguni kisha tu kuzaliwa kwa Ufalme wa Mungu. Mikaeli, ni kusema Yesu mwenye ametukuzwa, pamoya na majeshi yake walipigana na Shetani na mashetani wake. (Ufu. 12:7, 8) Ile ilikuwa na matokeo gani? Wale maadui wa Mungu walishindwa na wakatupwa ku dunia; ile inafanya waletee watu mateso mingi. (Ufu. 12:9, 12) Lakini ile mambo iko na matokeo gani juu ya watu wa Mungu?

¹⁴ Kisha, kitabu ya Ufunuo inatuambia namna Shetani anatenda. Juu hana tena uwezo wa kuenda mbinguni, iko nashambulia watiwa-mafuta wenye wamebakia ku dunia, wenye wanawakilisha Ufalme wa Mungu na wenye “wako na kazi ya kutoa ushahidi juu ya Yesu.” (Ufu. 12:17; 2 Ko. 5:20; Efe. 6:19, 20) Ule unabii umetimia namna gani?

15. “Mashahidi wawili” wenye wanazungumuziwa mu Ufunuo 11 ni nani, na nini iliwafikia?

¹⁵ Shetani alichochea maadui wa Mungu washambulie wale wenye walikuwa wanaongoza kazi kuhubiri. Wamoja kati yao njo  “mashahidi wawili” wa mufano, wenye kitabu ya Ufunuo inasema kama waliuawa. * (Ufu. 11:3, 7-11) Mu mwaka wa 1918, ndugu munane kati ya ndugu wenye walikuwa naongoza kazi ya kuhubiri walishitakiwa kwa uongo na wakahukumiwa kifungo ya miaka mingi. Kwa wanadamu ilionekana sawa vile kazi ya wale watiwa-mafuta ilikuwa “imekufa.”

16. Ni jambo gani ya kushangaza ilitokea mu mwaka wa 1919? Lakini Shetani ameendelea kufanya nini tangu ile wakati?

¹⁶ Unabii wenye uko mu Ufunuo sura ya 11 unasema pia kama wale “mashahidi wawili” wangeishi tena kisha wakati kidogo. Hakukupita mwaka moya kisha wao kutiwa mu gereza, ule unabii ulitimia mu njia yenye kushangaza. Ku mwanzo wa mwaka wa 1919 wale ndugu watiwa-mafuta waliachiliwa huru na kisha mashitaka yao iliondolewa. Bila kukawia, wale ndugu walianza kuongoza tena kazi ya kuhubiri na kufundisha. Lakini, ile haikufanya Shetani aache kushambulia watu wa Mungu. Kuanzia ile wakati Shetani amemwangia watu wa Mungu mateso yenye kuwa kama “muto.” (Ufu. 12:15) Kwa kweli, siye wote tuko na lazima ya “uvumilivu na imani.”​—Ufu. 13:10.

17. Hata kama Shetani iko nawashambulia, watu wa Mungu walipata musaada gani wenye hawakutazamia?

¹⁷ Kisha pale, Ufunuo sura ya 12 inaonyesha kama watu wa Mungu wangepata musaada kutoka fasi yenye hawakutazamia. Kwa njia fulani ni sawa vile “dunia” ingemeza “ule muto” wa mateso. (Ufu. 12:16) Ni vile kabisa njo mambo imekuwa. Wakati fulani sehemu za ulimwengu wa Shetani, sawa vile mifumo fulani ya sheria, imesaidia watu wa Mungu. Mara mingi watumishi wa Yehova wamepata ushindi ku tribinali. Na ile imewawezesha kupata uhuru kwa kiasi fulani. Namna gani wametumia ule uhuru? Wameutumia kwa hekima kabisa kwa kufanya kazi yenye Yehova amewapatia. (1 Ko. 16:9) Ile kazi inatia ndani nini?

18. Ni kazi gani ya maana yenye tuko nayo mu hizi siku za mwisho?

¹⁸ Yesu alisema kama watu wake wangetangaza “habari njema ya Ufalme wa Mungu” mbele mwisho ufike. (Mt. 24:14) Mu kazi ya kuhubiri wangepata musaada wa malaika ao  kikundi ya malaika, wenye wanazungumuziwa kuwa wako na ‘habari njema ya milele ili waitangaze kwa wale wenye wanakaa katika dunia, kwa kila taifa na kabila na luga na watu.’​—Ufu. 14:6.

19. Wale wenye kumupenda Yehova wanapaswa kutangaza ujumbe gani mwingine?

¹⁹ Habari njema ya Ufalme haiko tu njo ujumbe wenye watu wa Mungu wanapaswa kutangaza. Wanapaswa pia kuunga mukono kazi ya malaika wenye kuzungumuziwa mu Ufunuo sura ya 8 mupaka ya 10. Wale malaika wanatangaza magumu ya mubaya sana yenye itapata wale wenye wanakatala Ufalme wa Mungu. Kwa hiyo, Mashahidi wa Yehova wamekuwa wakitangaza ujumbe wa hukumu wenye unafananishwa na “mvua ya majiwe na moto.” (Ufu. 8:7, 13) Ule ujumbe unaonyesha hukumu ya Mungu juu ya sehemu mbalimbali za ulimwengu muovu wa Shetani. Inaomba watu wajue kama mwisho unakaribia juu waweze kufanya mabadiliko makubwa mu maisha yao na juu waokolewe siku ya kasirani ya Yehova. (Sef. 2:2, 3) Lakini, watu wengi hawafurahie ule ujumbe. Njo maana inaomba tukuwe hodari juu tuutangaze. Wakati wa taabu kubwa, ujumbe wa hukumu ya mwisho utakasirisha watu hata zaidi.​—Ufu. 16:21.

20. Tutazungumuzia nini mu habari mbili zenye kufuata?

²⁰ Tunapaswa kabisa kutii “maneno ya unabii huu” juu na siye tuko mu utimizo wa ule unabii wenye kuwa mu kitabu ya Ufunuo. (Ufu. 1:3) Lakini nini njo inaweza kutusaidia tuvumilie mateso kwa uaminifu na tuendelee kuhubiri habari njema na ujumbe wa hukumu kwa uhodari? Tutatiwa nguvu na hii mambo mbili: Kwanza, mambo yenye kitabu ya Ufunuo inasema juu ya maadui wa Mungu, na pili baraka zenye tutapata wakati wenye kuya kama tunabakia waaminifu. Tutazungumuzia ile mambo mu habari mbili zenye kufuata.