Gazeti la Funzo, Mambo Yamebadilika!

Tumebadilisha muundo wa Gazeti la funzo ili liwe lenye kupendeza zaidi, na iwe vyepesi kwako unapojifunza Neno la kweli la Yehova la maana sana.​—Zab. 1:2; 119:97.

Kumekwisha kupita miaka mine tangu tulipoanza kuchapisha magazeti mawili ya Munara wa Mulinzi, gazeti moja kwa ajili ya watu wote na lingine kwa ajili yetu, sisi Mashahidi wa Yehova na watu tunaojifunza nao Biblia wanaofanya maendeleo.

Kuhusu gazeti la funzo, ndugu mumoja ambaye amemutumikia Yehova kwa muda murefu aliandika hivi: “Ni nzuri sana na lenye kugusa moyo​—ndivyo nilivyojisikia nilipoona gazeti la kwanza la funzo la Munara wa Mulinzi. Jinsi gazeti la funzo linavyozungumuzia kweli ya Biblia kwa uzito zaidi na kwa njia iliyo wazi kuligusa moyo wangu sana. Asante sana kwa mupango huo mupya.” Ndugu mwingine aliandika hivi: “Natazamia kuchukua wakati mwingi ili kusoma gazeti hilo, nikitumia Biblia yangu ya Rbi8.” Tuko hakika kwamba wewe pia unajisikia hivyo.

Kama munavyojua, Munara wa Mulinzi umechapishwa tangu mwaka wa 1879. Jambo hilo limewezekana tu kwa musaada wa roho ya Mungu na baraka yake. (Zek. 4:6) Katika miaka 133 hii, jalada la gazeti hilo limebadilishwa mara nyingi. Mwaka wa 2012, kwenye jalada la mbele la kila gazeti la funzo kutakuwa picha ya rangi inayoonyesha watu wanaohubiri. Hilo linatukumbusha mugawo tuliopewa na Mungu wa kutolea watu ushahidi kamili kuhusu Ufalme wa Yehova. (Mdo. 28:23) Kwenye ukurasa wa pili, utaona tena picha ya wahubiri hao na maelezo mafupi yanayoonyesha inchi na aina ya mahubiri ambayo wahubiri hao wanafanya. Kwa muda wa mwaka wote, hilo litatukumbusha sisi wote kwamba watu wa Yehova wanaendelea kuhubiri habari njema “katika dunia yote inayokaliwa.”​—Mt. 24:14.

Ni mabadiliko mengine gani ambayo yamefanywa kwenye gazeti la funzo? Maulizo yaliyokuwa mwishoni mwa habari ya funzo katika kisanduku, yatakuwa sasa mwanzoni, pembeni ya habari ya funzo. Hilo litakusaidia ujue mambo makuu ambayo utatafuta unaposoma na kujifunza habari hiyo. Bila shaka, ndugu wanaoongoza funzo la Munara wa Mulinzi wataendelea kutumia maulizo hayo mwishoni mwa funzo ili kurudilia mambo makuu. Utaona kwamba pembeni kumeachwa nafasi ya kutosha na kwamba namba za ukurasa na za mafungo zimenenepeshwa.

Kama inavyoelezwa katika toleo hili la gazeti, habari mupya yenye kichwa, “Vitu vya Maana Sana vya Historia Yetu” imeongezwa ili kuonyesha matukio ya maana yaliyotokea katika historia ya kisasa ya Mashahidi wa Yehova. Pia, wakati fulani habari za watu wanaoeleza maisha yao zitatiwa ndani. Habari hiyo itakuwa na kichwa “Walijitoa kwa Kujipendea.” Habari hizo zitaonyesha shangwe, kutosheka, na furaha ambayo ndugu na dada wamepata kwa kutumikia katika maeneo yaliyo na uhitaji mukubwa wa watangazaji wa Ufalme.

Basi, na ufaidike kabisa unapojifunza Neno la Mungu kwa musaada wa gazeti la funzo.

Watangazaji

[Picha katika ukurasa wa 3]

1879

[Picha katika ukurasa wa 3]

1895

[Picha katika ukurasa wa 3]

1931

[Picha katika ukurasa wa 3]

1950

[Picha katika ukurasa wa 3]

1974

[Picha katika ukurasa wa 3]

2008