Vitu vya Maana Sana vya Historia Yetu

‘Nilijulikana Sana kwa Sababu ya Chombo Hicho’

Charlotte White, muhubiri wa wakati wote, alipofika Louisville, Kentucky, Amerika, akisukuma chombo chenye magurudumu mawili kilichokuwa na sanduku la vitabu, watu wengi wa muji huo walimutazama kwa mushangao.

ULIKUWA mwaka wa 1908, watu wa muji walimutazama sana dada White kwa mushangao kwa kuwa alikua akiendesha chombo hicho kipya​—Chombo chenye magurudumu mawili kilichosukumwa ili kusaidia kuchukua vitabu vilichoitwa L’Aurore du Millénium. Dada White aliripoti hivi: “Watu walizungumuzia chombo hicho, na nilijulikana sana kwa sababu yacho.”

Wanafunzi wa Biblia, jina la Mashahidi wa Yehova wakati huo, waliona ulazima wa kuwajulisha wengine mambo ya maana ambayo walijifunza kwa kuchunguza sana Maandiko. Wengi walipata ujuzi wa Biblia kwa musaada wa vitabu vilivyoitwa L’Aurore du Millénium (baadaye viliitwa Études des Écritures). Wakristo waliotaka na waliokuwa na uwezo walisafiri mahali pote​—katika miji, vijiji, na sehemu za mashambani—ili kugawia watu waliopenda kusoma vitabu L’Aurore du Millénium vilivyojulikana sana pia kwa jina ‘Musaada kwa Wanafunzi wa Biblia.’

Katika mwaka wa 1908, dada White na wahubiri wengine wenye bidii waliwatolea watu buku la vitabu sita kwa muchango wa dola 1.65 za Amerika. Kuliko kuwatolea wasomaji vitabu hivyo papo hapo, waliwaomba wafanye ombi, kwa hiyo walirudi baadaye​—mara nyingi siku ambayo watu walipata mushahara ili kuwatolea vitabu walivyoomba na kuchukua hivyo feza zilizogaramia uchapishaji wa vitabu tu. Mwanaume mumoja ambaye alipinga ujumbe wao alinungunika kwamba bei ya vitabu hivyo ni ya chini sana!

Dada Malinda Keefer alikumbuka kwamba kila juma alipata ombi la kati ya vitabu 200 mupaka 300. Lakini, ijapokuwa watu walipendezwa sana na vitabu hivyo,  kulitokea tatizo. Buku moja la vitabu sita lilikuwa na kurasa 740! Kulingana na sosaiti The Watch Tower, “vitabu 50 vilikuwa na kilo 18, na vilikuwa vizito sana” hivi kwamba haikuwa rahisi, hasa kwa dada zetu, kubeba vitabu hivyo.

Ili kusaidia wahubiri kubeba vitabu L’Aurore du Millénium, Ndugu James Cole aliunda chombo chenye magurudumu mawili kinachoweza kukunjwa, ambacho juu yake sanduku ingekazwa kwa misumari. Wahubiri hawakulazimika tena kubeba karto nzito zenye kujaa vitabu, Ndugu James Cole yeye mwenyewe alisema hivi: “Mabega yangu yamepumuzika.” Mwaka wa 1908, kwenye mukusanyiko wa Wilaya wa Wanafunzi wa Biblia huko Cincinnati, Ohio, alionyesha chombo hicho kipya, kilichofurahisha wahuzuriaji. Kwenye kisanduku kulibandikwa maneno L’Aurore du Millénium, kwa kuwa vitabu vingi vilivyokuwa ndani ya kisanduku yalikuwa mabuku ya L’Aurore du Millénium. Kwa hiyo, kwa kujizoeza polepole ilikuwa rahisi kubeba kisanduku kilicho na vitabu vingi kwa wakati mumoja. Urefu wa chombo hicho ungeweza kurekebishwa, na magurudumu yake yalitembea hata katika barabara isiyo na lami ao gudro. Kisha kumaliza mahubiri, magurudumu hayo yangekunjwa pembeni ya kile kisanduku kisicho na vitabu, ili iwezekane kukibeba kwa mukono.

Dada walio katika utumishi wa wakati wote walipokea chombo hicho bila malipo. Hata hivyo, wengine walikinunua kwa dola 2.50 za Amerika. Dada Keefer, aliye kwenye picha hapa, alijua kutumia chombo hicho vizuri hivi kwamba alikisukuma kwa mukono mumoja na kubeba sakoshe ya vitabu kwa mukono mwingine. Alipoona kwamba watu wengi walipendezwa katika muji mumoja kunakochimbwa mawe ya bei huko Pennsylvania, Amerika. Kwa kawaida, siku ya kutolea watu vitabu hivyo, alifanya safari mara tatu ao mara ine kwa kuvuka muto Allegheny.

Katika mwaka wa 1987, pilote mumoja alitengeneza chombo chenye magurudumu kinachochukua mizigo na ambacho kinatumiwa mara nyingi na watu wenye kusafiri katika uwanja wa ndege ao kwenye mabarabara katika miji yenye watu wengi. Lakini, miaka 100 iliyopita, Wanafunzi wa Biblia wenye bidii walifurahi kutazamwa na watu kwa mushangao wakati walipotembeza huko na huko chombo chao chenye magurudumu mawili kilichoitwa L’Aurore du Millénium wakieneza mbegu za maana za kweli ya Biblia.

[Wazo la fungu kwenye ukurasa 32]

Kwa kawaida, siku ya kutolea watu vitabu hivyo, dada Keefer alifanya safari mara tatu ao mara ine kwa kuvuka muto Allegheny

[Wazo la fungu kwenye ukurasa 32]

Kilisaidia wahubiri kubeba vitabu L’Aurore du Millénium