Wema Unatuliza Uchungu

MAMA mumoja muzee hakupendezwa kabisa wakati Mashahidi wawili wa huko Pays-Bas, ndugu George na bibi yake Manon, walipomutembelea ili kumuhubiria habari njema ya Ufalme. Mashahidi hao walipata habari kama mama huyo alikuwa amefiwa na babwana yake bawili na kijana wake, na alikuwa na ugonjwa mukali wa rhumatisme. Hata ikiwa alitulia kidogo walipokuwa wakizungumuza naye, alionekana tu kuwa mwenye uchungu.

Ndugu George akamuambia bibi yake Manon kama watakaporudi kumuona tena watamuletea fungu la maua kwa kuwa alionekana kuwa pekee yake na mwenye uchungu sana. Walipomuletea fungu la maua, mama huyo Rie alifurahi na kushangaa sana. Hakuwa na wakati siku hiyo, kwa hiyo, wakapanga kumutembelea siku nyingine. George na Manon waliporudi siku hiyo, wakagonga kwenye mulango, lakini hakuna mutu aliyejibu. Walijaribu kuja kwa saa tofauti​-tofauti, lakini hawakumupata tena. Basi wakaanza kufiriki kama mama huyo alikuwa anajificha.

Siku moja, George alimukuta Rie nyumbani. Akaomba musahama kwa kuwa hakuheshimu programu yao na akamuelezea George kama alikuwa kwenye hospitali. Akamuambia hivi: “Lakini unajua jambo nililofanya kisha tu ninyi kuondoka?” “Nilianza kusoma Biblia!” Wakaanza mazungumuzo yenye kupendeza na akaanza kujifunza Biblia pamoja na mama huyo.

Kadiri Rie alivyoendelea kujifunza Biblia, alianza kubadilika. Yeye aliyekuwa na uchungu kwa sababu ya mambo yaliyomupata akawa sasa mama mwenye furaha na mwema. Ijapokuwa hakuwa anatoka nyumbani kwa sababu ya magonjwa, yeye aliaanza mara moja kuelezea kila mutu aliyekuja kumuona juu ya mambo mapya aliyokuwa akijifunza. Afya yake haikumuruhusu kuhuzuria mikutano mara nyingi, lakini ndugu na dada walikuja kumutembelea, na hilo lilimufurahisha sana. Alipokuwa na miaka 82, alihuzuria mukusanyiko wa muzunguko na akabatizwa.

Miezi fulani baadaye alikufa na akaacha barua yenye maneno mazuri. Katika barua hiyo alizungumuzia taabu ambayo mutu anapata anapokuwa pekee yake wakati wa uzee na akaonyesha kwamba matendo ya wema ni ya lazima sana. Dada Manon alisema: “Niliposoma maneno hayo niliguswa sana. Mimi ni mwenye furaha sana kwa kuwa Yehova alitusaidia tumuonyeshe matendo ya wema.”

Bila shaka, mufano wa Yehova unatuchochea tuonyeshe watu upendo na wema kama huo. (Efe. 5:1, 2) Mahubiri yetu yatazaa matunda mazuri ‘tunapojipendekeza kuwa wahudumu wa Mungu kwa fazili.’​—2 Kor. 6:4, 6.