Je, Unakumbuka?

Umesoma kwa uangalifu habari zilizozungumuziwa hivi karibuni katika Munara wa Mulinzi? Basi, jaribu kujibu maulizo yanayofuata:

Je, nguvu ya Samsoni ilitokana na nywele zake?

Nguvu ya Samsoni haikutokana na nywele zake. Nywele zake zilikuwa tu alama ya uhusiano wa pekee ambao alikuwa nao pamoja na Mungu kwa kuwa alikuwa Munaziri. Uhusiano huo ulivunjika wakati Dalila alipofanya mupango ili Samsoni akatwe nywele.​—15/4, ukurasa wa 9.

Tunapoulinganisha na moyo wetu wa kawaida, ni mambo gani yanayoweza kutusaidia tulinde moyo wetu wa mufano?

(1) Chakula. Moyo wetu unahitaji kulishwa kwa ukawaida chakula chenye kujenga na kizuri, vilevile tunapaswa kula chakula cha kiroho chenye kutosha na kizuri. (2) Mazoezi. Kuhubiri kwa bidii kunafanya moyo wetu wa mufano uwe katika hali nzuri. (3) Mahali tunapoishi ao kutumika. Tunaweza kupunguza wasiwasi kwa kuwa pamoja na ndugu na dada zetu wanaotuhangaikia kabisa.​—15/4, ukurasa wa 16.

Wenzi wa ndoa wanaweza namna gani kutumainiana tena kisha mumoja wao kufanya uzinifu?

Wanapaswa (1) kuambiana kweli; (2) kufanya mambo pamoja; (3) kuacha tabia za zamani; na (4) kurudisha amani kwa kutoendelea kuweka kinyongo.​—1/5, ukurasa wa 12-15.

Kwa sababu gani haifae ndugu anayetoa hotuba ya mazishi kutumia Zaburi 116:15 juu ya mutu aliyekufa?

Andiko hilo linasema hivi: ‘Ni chenye samani machoni pa Yehova, kifo cha washikamanifu wake.’ Maneno hayo yanamaanisha kama kifo cha watumishi wote wa Yehova waaminifu ni chenye bei sana machoni pake. Mungu hawezi kuruhusu watumishi wake wote kwa ujumla waangamizwe ili wasiwe tena duniani.​—15/5, ukurasa wa 22.

Wakolportere walikuwa nani?

Mbele ya mwaka wa 1931, mapainia waliitwa “wakolportere.”​—15/5, ukurasa wa 31.

Ni mambo gani yanayoonyesha kama Biblia ni tofauti na vitabu vingine vilivyoandikwa na wanadamu?

Biblia ina unabii mwingi ambao umetimia. Inaeleza waziwazi namna mambo yalivyotokea, katika Biblia hamuna hadisi za kutunga. Inapatana kabisa na sayansi, na vitabu vyote vya Biblia vinapatana. Kanuni zake zingali zenye kufaa leo.​—1/6, ukurasa wa 4-8.

“Falme hizi zote” zinazotajwa katika Danieli 2:44 ni falme gani?

Unabii huo unazungumuzia tu falme zote ao serikali zinazofananishwa na sehemu mbalimbali za sanamu ambayo mufalme Nebukadneza alilota.​—15/6, ukurasa wa 17.

Ni wakati gani Uingereza na Amerika zilikuja kuwa Serikali Kubwa ya saba ya ulimwengu kulingana na unabii wa Biblia?

Serikali hiyo yenye sehemu mbili ilitokea wakati serikali za Uingereza na Amerika zilianza kutumika pamoja wakati wa Vita ya Kwanza ya Ulimwengu.​—15/6, ukurasa 19.

Namna gani Mungu anasamehe na kusahau zambi za wale wanaotubu?

Yehova anaahidi hivi juu ya watu ambao anakubali: ‘Zambi yao sitaikumbuka tena.’ (Yer. 31:34) Yehova anaweza kusamehe zambi kwa musingi wa zawadi ya ukombozi ya Yesu Kristo. Anaposamehe, Mungu anasahau katika maana ya kwamba hatakumbuka zambi hizo ili kumuazibu mutu kwa sababu ya zambi ambazo amekwisha kutubu.​—1/7, ukurasa wa 18.

Sababu gani tunaweza kuamini miujiza ambayo Biblia inazungumuzia?

Kila mara miujiza hiyo ilifanywa mbele ya watu wengi, haikufanywa kwa siri. Haikuomba mambo mengi ao kufanyiwa matangazo. Ilifanywa ili kumutukuza Yehova, hapana wanadamu. Miujiza mbalimbali ilifanywa, na wapinzani wa wakati huo hawakupinga jambo hilo. Hizo ndizo sababu zinazotufanya tuamini miujiza ambayo Biblia inazungumuzia.​—1/8, ukurasa wa 7-8.