Michango Yao ya Zaidi Ilijaza Upungufu wa Wengine

KATIKA mwaka wa 49, Petro, Yakobo, na Yohana—“walioonekana kuwa nguzo”​—walipatia mutume Paulo na mufanyakazi mwenzake Barnaba mugawo. Katika kazi yao ya kuhubiri, Paulo na Barnaba walipaswa kuwakumbuka Wakristo walio maskini. (Gal. 2:9, 10) Namna gani walitimiza mugawo huo?

Barua ya Paulo inaonyesha namna alivyoshugulikia mugawo huo. Kwa mufano, aliwaandikia Wakristo wa Korintho hivi: ‘Basi kuhusu muchango ulio kwa ajili ya watakatifu, kama vile nilivyoyapa maagizo makutaniko ya Galatia, ninyi wenyewe pia fanyeni vivyo hivyo. Kila siku ya kwanza ya juma acheni kila mumoja wenu kwenye nyumba yake mwenyewe aweke kando kitu fulani katika akiba kulingana na anavyofanikiwa, ili nitakapofika michango isifanywe wakati huo. Lakini nitakapofika hapo, watu wowote mutakaokubali kwa barua, nitawatuma hao kuipeleka zawadi yenu ya fazili mupaka Yerusalemu.’​—1 Kor. 16:1-3.

Katika barua yake ya Pili kwa Wakorintho, Paulo alizungumuzia tena kusudi la michango alipowaambia hivi: “Kupitia usawazisho wa ziada yenu sasa hivi ijazie upungufu wao.”​—2 Kor. 8:12-15.

Paulo alipowaandikia Wakorintho katika mwaka wa 56, wengi walikuwa wamekwisha kutoa michango. Paulo alisema hivi: ‘Lakini sasa nakaribia kusafiri kwenda Yerusalemu ili kuwahudumia watakatifu. Kwa maana wale walio katika Makedonia na Akaya wamependezwa kushiriki vitu vyao kwa kuwatolea michango fulani walio maskini kati ya watakatifu katika Yerusalemu.’ (Rom. 15:25, 26) Paulo alitimiza mugawo wake muda mufupi baadaye, kwa sababu aliporudi Yerusalemu, alimuambia Guvernere wa Roma Felix hivi: “Nilifika kuleta zawadi za rehema kwa taifa langu, na matoleo.”​—Mdo. 24:17.

Roho ambayo Wakristo wa kwanza walionyesha inaonekana wazi katika maneno ambayo Paulo aliwaambia Wakristo wa Makedonia. Yeye alisema: ‘Waliendelea kutuomba kwa kusihi sana wapate pendeleo la kutoa kwa fazili.’ Mutume Paulo aliwatia moyo Wakorintho wafuate mufano huo. Aliwaambia hivi: ‘Kila mumoja na afanye kama alivyoazimia moyoni mwake, si kwa kutopenda wala kwa kulazimishwa, kwa maana Mungu humupenda mutoaji muchangamufu.’ Ni nini iliyochochea makutaniko kuonyesha ukarimu, ao roho hiyo ya kutoa? Nia yao haikuwa “kugawa tu kwa wingi mahitaji ya watakatifu bali pia kuwa matajiri kwa maonyesho mengi ya shukrani kwa Mungu.” (2 Kor. 8:4; 9:7, 12) Sisi pia tunapaswa kuchochewa na nia hiyo hiyo tunapotoa michango. Kwa kweli, Yehova Mungu atabariki roho hiyo nzuri ya kutoa na baraka zake zitamutajirisha kabisa yule anayetoa.​—Met. 10:22.

 [Sanduku katika ukurasa wa 9]

NJIA MBALIMBALI ZA KUTOA MICHANGO

Kama ilivyokuwa katika siku za Paulo, leo wengi ‘wanaweka kando kitu fulani,’ ao kiasi fulani cha feza ambazo watatia katika kisanduku chenye maneno “Kazi ya Ulimwenguni Pote.” (1 Kor. 16:2) Kila mwezi, makutaniko yanatuma feza hizo kwenye biro ya tawi ya Mashahidi wa Yehova inayosimamia kazi ya kuhubiri katika inchi yao. Unaweza pia kutuma wewe mwenyewe michango yako kwa shirika linalotumiwa na Mashahidi wa Yehova katika inchi yenu. Ukitaka kujua shirika linalokubaliwa kisheria ambalo Mashahidi wa Yehova wanatumia katika inchi yenu, andikia biro ya tawi ya inchi yenu. Unaweza kupata adresi ya biro ya tawi kwenye www.pr418.com.

KUKOPESHA BIRO YA TAWI FEZA

• Unaweza kukopesha “Association Les Témoins de Jéhovah” feza kwa ajili ya kazi ya kuhubiri ulimwenguni pote. Wakati utahitaji feza zako, biro ya tawi itakurudishia feza hizo bila kukuongezea faida yoyote. Ili kupata habari zaidi unaweza kutumia namba hii ya telefone: 099818 9791 ao 0815551000

MIPANGO MINGINE INAYOHUSU MICHANGO

Kuna njia nyingine za kutoa michango kwa ajili ya kazi ya kuhubiri ulimwenguni pote. Njia hizo zinatia ndani:

Asiranse: Unaweza kuandika kwamba “Association Les Témoins de Jéhovah” ndiyo itachukua feza zako za asiranse ao za pansio. Ili kufanya hivyo mutu anapaswa kwanza kupashana habari na biro ya tawi ili ajue jinsi ya kufanya.

Konte za Banke: Mutu anaweza kutuma zawadi yake kwa kutia feza katika konte ya banke ya “Association Les Témoins de Jéhovah.” Ili kufanya hivyo mutu anapaswa kwanza kupashana habari na biro ya tawi ili ajue namba ya konte kupitia hiyo atatuma zawadi yake.

Nyumba ao Parsele: Unaweza kuitoa kuwa zawadi. Unaweza kuendelea kuishi katika nyumba hiyo mupaka utakapokufa. Mbele ya kutoa zawadi kama hiyo unapaswa kwanza kupashana habari na biro ya tawi ya inchi yenu.

Zawadi: Ni mupango wa kutoa feza ao vitu vingine ili viwe mali ya shirika fulani linalotumiwa na Mashahidi wa Yehova. Yule anayependa kutoa zawadi ili kutegemeza kazi ya Ufalme, anapaswa kwanza kupashana habari na biro ya tawi ili kupata habari zaidi na pia muongozo wa kisheria kuhusiana na zawadi ambayo anapenda kutolea “Association Les Témoins de Jéhovah.”

Testama: Shirika la “Association Les Témoins de Jéhovah” linaweza, kupitia testama, kuachiwa uriti wa mali ao feza. Mbele ya kufanya testama hiyo mutu anapaswa kwanza kupashana habari na biro ya tawi ili kupata habari zaidi na pia muongozo wa kisheria.

Usemi “mipango mingine inayohusu michango” unaonyesha kwamba ili mutu afanye michango ya aina hiyo anapaswa kufanya mipango fulani kamili. Broshua Charitable Planning to Benefit Kingdom Service Worldwide katika Kihispania na Kiingereza imetayarishwa ili kuwasaidia watu wanaotamani kutoa michango ili kazi ya Mashahidi wa Yehova ya kuhubiri ulimwengu pote iendelee. Broshua hiyo iliandikwa ili kutoa habari kuhusu njia mbalimbali za kutoa zawadi sasa ao kama uriti mutu anapokufa. Kisha kusoma broshua hiyo na kushauriana na washauri wao wa mambo ya kisheria ao kodi, watu wengi wamesaidia kutegemeza kazi yetu ya kuhubiri na wanatoa misaada ulimwenguni pote na kupunguziwa kodi wanapofanya hivyo. Ikiwa unapenda kupata broshua hiyo unaweza kuiomba kwenye biro ya tawi.

Ili kupata habari zaidi, unaweza kuzungumuza na biro ya tawi. Unaweza pia kutuma barua kupitia adresi ya B.P. 634, Limete​-Kinshasa, ao kuita kwa njia ya telefone kwa kutumia adresi iliyo hapa chini.

“Association Les Témoins de Jéhovah” no 75, 13ème Rue, Industriel, Limete-KINSHASA, République Démocratique du Congo.

Telefone: 099 818 9791 ao 0815551000