1. (a) Ni nini ilimufikia mutume Petro wakati wa zoruba kwenye Bahari ya Galilaya? (Ona picha kwenye mwanzo wa habari hii.) (b) Sababu gani Petro alianza kuzama?

NI USIKU, mutume Petro na wanafunzi wengine wanashindwa kuvuka Bahari ya Galilaya kwa sababu ya zoruba. Mara moja wanamuona Yesu anatembea juu ya bahari. Petro anamuambia Yesu kwa sauti kubwa ikiwa yeye pia anaweza kutembea juu ya maji ili amufuate. Yesu anamuita, Petro anatoka katika mashua na anaanza kutembea juu ya maji. Lakini kisha muda kidogo, Petro anaanza kuzama. Sababu gani? Kwa sababu wakati anaangalia upepo na zoruba anaogopa. Petro anamulilia Yesu amusaidie. Kwa hiyo, Yesu anamukamata mara moja na kumuambia hivi: ‘Wewe mwenye imani kidogo, kwa nini umekuwa na mashaka?’—Mathayo 14:24-32.

2. Tutazungumuzia mambo gani?

² Tuzungumuzie sasa mambo tatu yenye mufano wa Petro unaweza kutufundisha juu ya imani: (1) namna Petro alionyesha kwanza imani kwamba Yehova atamusaidia, (2) sababu gani  Petro alianza kupoteza imani, na (3) ni nini ilimusaidia Petro akuwe tena na imani. Kuzungumuzia mambo hayo kunaweza kutusaidia tuone namna tunaweza ‘kusimama imara katika imani.’—1 Wakorintho 16:13.

3. Sababu gani Petro alitoka katika mashua, na namna gani sisi pia tumemuiga?

³ Mutume Petro alikuwa na imani yenye nguvu. Sababu gani tunasema hivyo? Kwa sababu wakati Yesu alimuita, alitoka katika mashua na kuanza kutembea juu ya maji. Aliamini kwamba Mungu angemupatia uwezo wa kutembea juu ya maji kama vile Yesu. Vilevile, wakati Yesu alitualika tukuwe wafuasi wake, tulijitoa kwa Yehova katika sala na kubatizwa. Sababu gani? Kwa sababu tulikuwa na imani katika Yehova na Yesu, na tulitumaini kwamba watatusaidia.—Yohana 14:1; soma 1 Petro 2:21.

4, 5. Sababu gani imani ni ya maana sana?

⁴ Imani ni ya maana sana. Haiwezekane mwanadamu atembee juu ya maji; lakini imani ilimusaidia Petro kufanya hivyo. Vilevile, imani inaweza kutusaidia kufanya mambo yenye kuonekana kuwa haiwezekane. (Mathayo 21:21, 22) Watu fulani kati yetu wamebadilisha kabisa tabia na mwenendo wao, na hilo linafanya watu wenye walikuwa wanawajua zamani wakose kuwatambua. Tulifanya mabadiliko hayo kwa sababu tunamupenda Yehova na kwa sababu alitusaidia. (Soma Wakolosai 3:5-10.) Imani ilituchochea tujitoe kwa Yehova katika sala na kubatizwa na kuwa marafiki wake. Hatungeweza hata kidogo kufanya hivyo bila yeye kutusaidia.—Waefeso 2:8.

⁵ Imani yetu inatutia nguvu kiroho. Kwa mufano, imani inatusaidia kupambana na mashambulizi ya Ibilisi, adui wetu mwenye nguvu. (Waefeso 6:16) Pia, kwa sababu tunamutegemea Yehova, hatuhangaike sana wakati tunapatwa na magumu. Yehova ametuahidi kwamba atatimiza mahitaji yetu ikiwa tuko na imani katika yeye na ikiwa tunatia Ufalme pa nafasi ya kwanza. (Mathayo 6:30-34) Na zaidi ya hilo, kwa sababu ya imani yetu, Yehova atatupatia zawadi nzuri sana, ni kusema, uzima wa milele.—Yohana 3:16.

6, 7. (a) Tunaweza kufananisha upepo na zoruba yenye ilimuogopesha mutume Petro na nini? (b) Sababu gani tunapaswa kujua kwamba inawezekana tupoteze imani yetu?

⁶ Kisha kutembea muda kidogo juu ya Bahari ya Galilaya, Petro alianza kuogopa. Sababu gani? Kwa sababu ya upepo na zoruba. Tunaweza kufananisha upepo na zoruba hiyo na magumu na majaribu yenye Wakristo wanapata leo. Hata kama majaribu hayo ni makali sana, Yehova anaweza kutupatia nguvu ya kupambana nayo. Lakini tukumbuke mambo yenye ilimupata mutume Petro. Hakuzama kwa sababu alipigwa na upepo na zoruba. Lakini, Biblia inasema kwamba wakati ‘alitazama ile zoruba ya upepo, akaogopa.’ (Mathayo 14:30) Kuliko kuendelea kumuangalia Yesu, Petro alikaza akili yake juu ya  upepo mukali. Kisha, imani yake ilianza kupunguka. Vilevile, ikiwa tunakaza sana akili juu ya magumu yetu, tunaweza kuanza kuwa na mashaka kwamba Yehova atatusaidia.

⁷ Tunapaswa kujua kwamba inawezekana tupoteze imani yetu. Sababu gani? Kwa sababu Biblia inasema kwamba kupoteza imani ni ‘zambi ambayo inatutatanisha [inatuzuia] kwa urahisi.’ (Waebrania 12:1) Kama mutume Petro, ikiwa tunakaza akili yetu juu ya mambo mabaya, imani yetu inaweza kuwa zaifu haraka. Kwa hiyo, namna gani tunaweza kujua ikiwa imani yetu iko katika hatari? Maulizo yenye kufuata itatusaidia tujichunguze.

8. Ni nini inaweza kutufanya tuanze kufikiri kwamba ahadi za Mungu haziko za kweli kabisa?

⁸ Ninaendelea kuona ahadi za Mungu kuwa ni za kweli kabisa? Kwa mufano, Mungu ameahidi kwamba ataharibu ulimwengu huu wa Shetani. Hata hivyo, je, tunakengeushwa na mambo mbalimbali ya kujifurahisha ya ulimwengu huu? Ikiwa ni hivyo, tunaweza kuanza kufikiri kwamba mwisho ungali mbali sana. (Habakuki 2:3) Tufikirie mufano mwingine. Yehova alitoa zabihu ya ukombozi, na ameahidi kusamehe makosa yetu. Lakini, ikiwa tunaendelea kukumbuka makosa yetu ya zamani, tunaweza kuanza kufikiri kwamba Yehova hajatusamehe kabisa. (Matendo 3:19) Na hilo linaweza kutufanya tukose furaha ya kumutumikia Mungu na kuacha kazi ya kuhubiri.

9. Ni nini itatokea ikiwa tunakaza sana akili yetu juu ya faida zetu wenyewe katika maisha?

⁹ Ningali ninamutumikia Yehova kabisa kwa bidii? Ikiwa tunamutumikia Yehova kwa bidii, hilo litatusaidia tukaze akili yetu juu ya tumaini letu la wakati unaokuja. Lakini, itakuwa namna gani ikiwa tumeanza kukaza sana akili yetu juu ya faida zetu wenyewe? Kwa mufano, tunaweza kukubali kazi fulani yenye kuwa na mushahara muzuri, lakini yenye inafanya tusimutumikie Yehova kwa bidii. Hilo linaweza kufanya imani yetu ipunguke, na kutufanya tukuwe “goigoi” ni kusema, kumutumikia Yehova kwa uvivu.—Waebrania 6:10-12.

10. Wakati tunasamehe wengine, namna gani tunaonyesha imani yetu katika Yehova?

¹⁰ Niko tayari kusamehe wengine? Wakati wengine wanatukosea, je, tunakasirika na kuacha kuzungumuza nao? Ikiwa tunafanya hivyo, tunaweza kuanza kujifikiria sana sisi wenyewe. Wakati tunasamehe wengine, tunaonyesha kwamba tuko na imani katika Yehova. Namna gani? Wakati watu wanatukosea, wanakuwa na deni letu. Vilevile, wakati tunamukosea Yehova, tunakuwa na deni lake. (Luka 11:4) Kwa hiyo, wakati tunasamehe wengine, tunaonyesha kwamba tunamutumainia Yehova. Tunamutumainia abariki  bidii yetu, na baraka zake ni za maana sana kuliko kuomba watu hao walipe deni letu. Wanafunzi wa Yesu walielewa kwamba inaomba kuwa na imani ili kusamehe wengine. Wakati Yesu aliwaambia kwamba wanapaswa kusamehe hata wale wenye wamewakosea mara nyingi, wanafunzi wake walimuambia hivi: ‘Utupatie imani zaidi.’—Luka 17:1-5.

11. Ni nini inaweza kutufanya tushindwe kutumikisha mashauri fulani?

¹¹ Ninakasirika wakati wengine wananipatia mashauri? Tutafute namna ya kutumikisha mashauri yenye tunapewa kuliko kutafuta makosa katika mashauri hayo ao makosa ya mutu mwenye kutupatia mashauri. (Methali 19:20) Kwa hiyo, ujikaze sana ukuwe na maoni kama ya Yehova!

12. Ikiwa kila mara Mukristo ananungunikia wale wenye kuongoza, hilo litaonyesha nini?

¹² Ninanungunikia wale wenye kuongoza katika kutaniko? Wakati Waisraeli walikaza akili yao juu ya habari yenye kuvunja moyo ya wapelelezi kumi, walianza kunungunikia Musa na Haruni. Kisha Yehova akamuuliza Musa hivi: ‘Watakosa kuniamini mupaka wakati gani?’ (Hesabu 14:2-4, 11) Yehova alijua kwamba Waisraeli hawakumutegemea kwa sababu walinungunikia wanaume wenye alichagua ili waongoze, ni kusema, Musa na Haruni. Vilevile, ikiwa kila mara tunanungunikia wale wenye Yehova anatumia ili kuongoza watu wake leo, hilo linaweza kuonyesha kwamba imani yetu katika Mungu imeanza kuwa zaifu.

13. Sababu gani hatupaswe kuvunjika moyo ikiwa tunatambua kwamba imani yetu imeanza kuwa zaifu?

¹³ Kisha kuzungumuzia maulizo hayo, usivunjike moyo ikiwa unatambua kwamba imani yako imeanza kuwa zaifu. Ukumbuke kwamba hata mutume Petro aliogopa na kuanza  kuwa na mashaka. Na wakati fulani, Yesu alishauria mitume kwa sababu walikuwa na “imani kidogo.” (Mathayo 16:8) Lakini, mufano wa Petro unaweza kutufundisha mambo fulani ya lazima. Tufikirie jambo lenye alifanya kisha kuanza kuwa na mashaka na kuanza kuzama katika bahari.

14, 15. (a) Mutume Petro alifanya nini wakati alianza kuzama? (b) Namna gani tunaweza ‘kumutazama’ Yesu kwa uangalifu?

¹⁴ Mutume Petro alifanya nini wakati alianza kuzama? Petro alikuwa anajua vizuri kuogelea, kwa hiyo, angeamua kuogelea ili kurudi kwenye mashua. (Yohana 21:7) Lakini, sababu gani hakufanya hivyo? Kwa sababu hakujitegemea yeye mwenyewe ili kupata musaada. Alikaza tena akili yake juu ya Yesu na alikubali amusaidie. Ikiwa tunatambua kwamba imani yetu imeanza kuwa zaifu, tunapaswa kumuiga mutume Petro. Namna gani?

¹⁵ Kama vile tu mutume Petro alikaza tena akili yake juu ya Yesu, sisi pia tunapaswa kumutazama Yesu ‘kwa makini [kwa uangalifu].’ (Soma Waebrania 12:2, 3.) Lakini, tofauti na mutume Petro, sisi hatuwezi kumuona Yesu kwa macho yetu leo. Kwa hiyo, namna gani tunaweza ‘kumutazama’ Yesu kwa uangalifu? Tunaweza kujifunza mambo yenye alifundisha na kufanya. Kufanya hivyo kunaweza kutusaidia tumuige kwa uaminifu. Hilo litatusaidia kutia nguvu imani yetu. Tuzungumuzie basi njia mbalimbali zenye zinaweza kutusaidia tumuige Yesu.

16. Namna gani Biblia inaweza kutusaidia kutia nguvu imani yetu?

¹⁶ Utegemee kabisa Biblia. Yesu alikuwa hakika kwamba Biblia ni Neno la Mungu na kwamba linatutolea mashauri mazuri zaidi. (Yohana 17:17) Ili kumuiga Yesu, tunapaswa kusoma Biblia kila siku, kujifunza, na kufikiri sana juu ya mambo yenye tunajifunza. Pia, ikiwa tuko na maulizo fulani, tunapaswa kutafuta majibu. Kwa mufano, unaamini kabisa kwamba tunaishi katika siku za mwisho? Ili kutia nguvu imani yako kwamba mwisho unakaribia, unaweza kujifunza unabii wa Biblia wenye kuhakikisha kwamba tunaishi katika siku za mwisho. Je, unapenda kutia nguvu imani yako katika ahadi za Mungu za wakati unaokuja? Kwa hiyo, ujifunze unabii fulani wa Biblia wenye umekwisha kutimia. Je, unaamini kabisa kwamba mashauri ya Biblia ni ya maana leo? Unaweza kusoma habari zenye kuzungumuzia ndugu na dada wenye Biblia ilisaidia kubadilisha maisha yao. * (Ona maelezo ya chini.)—1 Wathesalonike 2:13.

17. Ni nini ilimusaidia Yesu avumilie majaribu makali, na namna gani unaweza kumuiga?

¹⁷ Kaza akili yako juu ya baraka zenye Yehova ameahidi. Yesu alikaza akili yake juu ya baraka zenye angepata wakati unaokuja, na hilo lilimusaidia avumilie majaribu makali. (Waebrania 12:2) Hakukengeushwa hata kidogo na mambo ya ulimwengu huu. (Mathayo 4:8-10) Namna gani unaweza kuiga mufano wa Yesu? Ufikiri sana juu ya mambo mazuri sana yenye Yehova ametuahidi. Ufikirie kwamba uko katika dunia mupya. Unaweza kuandika ao kuchapa mambo yenye utafanya katika Paradiso. Ao unaweza kuandika majina ya watu wenye watafufuliwa na wenye utapenda kuzungumuza nao, na mambo yenye utawaambia. Usione tu kwamba Mungu anatolea watu wote ahadi hizo, lakini uone  kwamba anakutolea wewe peke yako ahadi hizo.

18. Namna gani sala inaweza kukusaidia kutia nguvu imani yako?

¹⁸ Umuombe Yehova imani zaidi. Yesu aliambia wanafunzi wake wamuombe Yehova roho takatifu. (Luka 11:9, 13) Wakati unamuomba Yehova roho takatifu, umuombe pia akupatie imani zaidi. Imani ni sehemu ya tunda la roho takatifu. Ni vizuri ukuwe wazi katika sala zako. Kwa mufano, ikiwa unatambua kwamba haiko mwepesi kwako kusamehe wengine, umuombe Yehova akusaidie uendelee kuwa na imani yenye nguvu na akusaidie ukuwe tayari kusamehe.

19. Namna gani tunaweza kuchagua marafiki wazuri?

¹⁹ Uchague marafiki wenye kuwa na imani yenye nguvu. Yesu alichagua marafiki wake wa karibu kwa uangalifu. Marafiki wake wa karibu, ni kusema mitume, walikuwa waaminifu kwake, na walimutii. (Soma Yohana 15:14, 15.) Unaweza kumuiga Yesu kwa kuchagua marafiki wako kwa uangalifu. Marafiki wako wanapaswa kuwa na imani yenye nguvu na wenye kumutii Yesu. Marafiki wa kweli wanapaswa kuambiana mambo waziwazi, hata wakati wanatoa ao kupokea mashauri.—Methali 27:9.

20. Matokeo itakuwa nini ikiwa tunasaidia wengine watie nguvu imani yao?

²⁰ Usaidie wengine wakomalishe imani yao. Kupitia maneno na matendo yake, Yesu alisaidia wanafunzi wake wakuwe na imani yenye nguvu. (Marko 11:20-24) Tunapaswa kuiga mufano wa Yesu. Wakati tunafanya hivyo, tunatia nguvu imani yetu na ile ya wengine. (Methali 11:25) Namna gani unaweza kusaidia watu katika eneo lako? Wakati unafundisha wengine Biblia, kazia mambo yenye kuonyesha kwamba Mungu iko, kwamba anatuhangaikia, na kwamba Biblia ni Neno lake. Namna gani unaweza kusaidia ndugu na dada zako waendelee kuwa na imani yenye nguvu? Ikiwa unasikia ndugu ao dada fulani ananungunikia wale wenye kuongoza, usimuepuke mara moja. Utumie utambuzi wakati unamusaidia akuwe tena na imani yenye nguvu. (Yuda 22, 23) Ikiwa uko mwanafunzi, na kwenye masomo mwalimu wako anafundisha mambo ya mageuzi, utetee kwa bidii imani yako katika uumbaji. Unaweza kushangaa kuona mwalimu wako na wanafunzi wenzako wanabadilisha mawazo yao.

21. Yehova ameahidi nini kwa kila mumoja wetu?

²¹ Yehova na Yesu walimusaidia mutume Petro apiganishe woga na mashaka yenye alikuwa nayo. Kisha miaka mingi, mutume Petro aliwaachia wengine mufano muzuri sana wa imani. Vilevile, Yehova anasaidia kila mumoja wetu aendelee kusimama imara katika imani. (Soma 1 Petro 5:9, 10.) Inaomba kujikaza sana ili kuwa na imani yenye nguvu, lakini wakati tunajikaza kufanya hivyo, Yehova atatubariki.