Je, Ulijua?

Je, Yesu alikosea aliposema kama chumvi inaweza kupoteza nguvu zake?

▪ Katika Mahubiri yake ya Mulimani, Yesu aliwaambia wafuasi wake hivi: ‘Ninyi ndio chumvi ya dunia; lakini chumvi ikipoteza nguvu zake, laza yake itarudishwa namna gani? Haitumike tena kwa kitu chochote bali ni ya kutupwa inje ili ikanyagwe​-kanyagwe na watu.’ (Mathayo 5:13) Chumvi ina uwezo wa kulinda vitu ili visioze. Kwa hiyo, inawezekana mufano wa Yesu ulimaanisha kwamba wanafunzi wake wangeweza na wangepaswa kuwalinda wengine ili wasiharibu mwenendo wao na hali yao ya kiroho.

Hata hivyo, kufuatana na maelezo ya Yesu juu ya chumvi kupoteza nguvu zake, kitabu fulani (The International Standard Bible Encyclopedia) kinasema hivi: “Kwa kawaida, chumvi iliyotoka katika eneo la Bahari ya Chumvi ilikuwa na vitu vingine ndani yake; kwa hiyo ingeweza kuyeyuka na kuacha vitu hivyo bila onjo.” Kwa hiyo, tunaelewa vizuri sababu gani Yesu alisema kwamba chumvi iliyopoteza nguvu zake ‘haitumike tena kwa kitu chochote bali ni ya kutupwa inje.’ Kitabu hicho kinasema tena kwamba “ijapokuwa vitu hivyo vilifanya chumvi iliyotoka katika Bahari ya Chumvi isiwe nzuri zaidi kama chumvi ya bahari zingine, kupatikana kwa vyepesi kwa chumvi hiyo ya Bahari ya Chumvi (ingeweza kuokotwa tu kandokando ya bahari) kuliifanya kuwa chumvi iliyotumiwa sana huko Palestina.”

Kupoteza drakma ao feza ya kichele ambako Yesu alizungumuzia katika mufano wake kulimaanisha nini kwa wasikilizaji wake?

▪ Yesu alizungumuzia mufano wa mwanamuke mumoja ambaye kisha kupoteza drakma moja ao feza ya kichele kati ya feza zake kumi alizokuwa nazo, alichukua taa na kufagia nyumba yake kwa uangalifu mupaka alipopata feza hiyo. (Luka 15:8-10) Katika siku za Yesu, feza moja ya kichele ililingana na mushahara wa siku moja hivi, kwa hiyo kupoteza feza moja ya kichele ambako Yesu alizungumuzia katika mufano wake halikuwa jambo la muchezo. Hata hivyo, kuna sababu zingine ambazo zinafanya hali ambayo Yesu alizungumuzia iwe ya kweli.

Vitabu fulani vinaonyesha kwamba wanawake walitumia kwa kawaida feza za vichele kuwa mapambo. Labda Yesu alikuwa akizungumuzia feza ya kichele ambayo ilikuwa sehemu ya vitu vya mwanamuke vya kujipamba ambavyo alipenda sana ao sehemu ya vitu alivyopeleka kwa bwana yake wakati alifunga ndoa. Iwe ilikuwa hivyo ao hapana, inaeleweka sababu gani kupoteza feza moja kati ya feza zake kumi za kichele kungemufanya mwanamuke huyo ahangaike sana mupaka aipate.

Zaidi ya hilo, nyumba za watu wa kawaida wakati wa Yesu zilijengwa kwa namna iliyofanya zisiwe na mwangaza mwingi na joto nyingi ndani kadiri iwezekanavyo. Zilikuwa na madirisha machache ao hata hazikuwa na madirisha. Mara nyingi, sehemu ya chini ya ndani ya nyumba ilifunikwa na nyasi ao majani yenye kukauka ya mimea mbalimbali. Hivyo, ikiwa feza ya kichele ilianguka ndani ya nyumba kama hiyo, ilikuwa vigumu kuipata. Mutu fulani anayetoa maelezo juu ya Biblia anasema hivi: “Kwa hiyo, wakati kitu fulani kidogo, kama vile feza ya kichele, kilipotelea nafasi kama hiyo, mwangaza wa taa, na kufagia nyumba, ilikuwa ndiyo njia ya kawaida zaidi ambayo ilitumiwa ili kupata kitu hicho.”

[Picha katika ukurasa wa 21]

Marundo ya chumvi ya Bahari ya Chumvi

[Picha katika ukurasa wa 21]

Drakma ao feza ya kichele