Walipata Jambo Nzuri Zaidi Kuliko Noeli

WAKRISTO wengi sana wanaamua kutofanya sikukuu ya Noeli. Wanajisikia namna gani juu ya uamuzi huo? Je, wanajisikia kuwa wanakosewa na kitu fulani? Je, watoto wao wanajisikia kuwa wananyimwa kitu fulani? Ona yale ambayo Mashahidi wa Yehova duniani pote wanasema juu ya jambo hilo.

● Kumukumbuka Yesu Kristo: EVE, anayeishi huko Australie, anasema hivi: “Mbele ya kuwa Shahidi wa Yehova, sikuzoea kuenda kwenye kanisa. Na ikiwa nilienda, ilikuwa tu siku ya Noeli ao ya Pasaka. Hata siku hiyo, sikumufikiria kabisa Yesu Kristo. Sifanye tena sikukuu ya Noeli, lakini ninahuzuria sasa mikutano ya kutaniko mara mbili kila juma na hata ninawafundisha wengine mambo ambayo Biblia inasema juu ya Yesu!”

● Kuwa na furaha ya kutoa: REUBEN, anayeishi kaskazini mwa Irlande, anasema hivi: “Ninafurahi sana wakati watu wananipa zawadi ambazo sikutazamia. Ninapendezwa sana na zawadi kama hizo! Ninapenda pia kuandikia watu barua na kuwachorea picha kwa sababu hilo linawafanya wawe wenye furaha zaidi, na hilo linanifanya pia niwe mwenye furaha.”

● Kusaidia wenye uhitaji: EMILY, anayeishi huko Australie, anasema hivi: “Tunafurahia kuwapikia wagonjwa chakula. Wakati fulani, tunawapelekea maua, keki, ao zawadi ndogo ili kuwafanya wajisikie vizuri. Kufanya hivyo kunatuletea furaha kwa sababu tunaweza kuwatembelea wakati wowote wa mwaka.”

● Kuwa pamoja na watu wa jamaa: WENDY, anayeishi katika Visiwa vya Caïmans, anasema hivi: “Watu wa jamaa yetu wanapokutana pamoja, watoto wetu wanawajua wajomba wao, shangazi zao, wazazi wa wazazi wao, na binamu zao katika hali nzuri. Kwa sababu hatufanye hivyo siku fulani tu za mwaka, hatujisikie kuwa wenye kulazimishwa, na watu wa jamaa yetu wanajua kama tunawatembelea kwa sababu tunawapenda.”

● Amani: SANDRA, anayeishi huko Espanye, anasema hivi: “Wakati wa Noeli, inaonekana kuna mambo mengi ya kufanya, kwa hiyo watu wengi hawafikirie sana amani. Sasa, kwa sababu nimejifunza mambo ambayo Biblia inaahidi wanadamu, ninajisikia kuwa mwenye kutulia. Sasa ninaelewa kwamba watoto wangu watakuwa na furaha wakati unaokuja.”

[Picha katika ukurasa wa 9]

Eve

[Picha katika ukurasa wa 9]

Reuben

[Picha katika ukurasa wa 9]

Emily

[Picha katika ukurasa wa 9]

Wendy

[Picha katika ukurasa wa 9]

Sandra