Je, unaamini ahadi ya Biblia ya ufufuo? * Kwa kifupi, tumaini la kukutana tena na watu tunaowapenda waliokufa linavutia. Lakini, tumaini hilo ni la kweli? Ili tupate jibu, ni vizuri tuchunguze mufano wa mitume wa Yesu Kristo.

Mitume waliamini kabisa ufufuo wa watu waliokufa. Sababu gani? Kwa sababu mbili. Sababu ya kwanza, tumaini lao lilitegemea zaidi sana jambo hili la hakika: Yesu mwenyewe alifufuliwa kutoka kwa wafu. Mitume na ‘ndugu zaidi ya mia tano kwa wakati mumoja’ walimuona Yesu aliyefufuliwa. (1 Wakorintho 15:6) Tena, habari ya ufufuo wa Yesu ilishuhudiwa na ilikubaliwa mahali mbalimbali, kama vile vitabu ine vya Injili vinaonyesha.​—Mathayo 27:62–28:20; Marko 16:1-8; Luka 24:1-53; Yohana 20:1–21:25.

Sababu ya pili, mitume walijionea wenyewe ufufuo wa watu watatu ambao Yesu alifufua, kwanza alimufufua mutu mumoja katika muji wa Naini, mwengine katika muji wa Kapernaumu, na mwengine katika muji wa Bethania. (Luka 7:11-17; 8:49-56; Yohana 11:1-44) Mutu wa mwisho kati ya watu waliofufuliwa na Yesu, anayezungumuziwa mwanzoni mwa gazeti hili, alikuwa mutu wa familia fulani ya marafiki wa Yesu. Tuzungumuzie basi mambo yaliyotokea.

“Ndugu yako atafufuka.” Yesu alimuambia Martha maneno hayo, ambaye Lazaro ndugu yake, alikuwa amekufa kwa muda wa siku ine. Martha hakuelewa kwanza maana ya maneno ya Yesu. Alimujibu Yesu hivi: “Ninajua atafufuka,” lakini Martha aliwaza Lazaro atafufuka wakati ujao. Fikiria namna alivyoshangaa kisha kumusikia Yesu akisema hivi: “Mimi ndiye ufufuo na uzima,” na Yesu akamufufua ndugu yake kutoka kwa wafu!​—Yohana 11:23-25.

Lazaro alikuwa wapi kwa muda wa siku ine alizokuwa amekufa? Lazaro hakusema jambo lolote ili kuonyesha kwamba alikuwa anaishi mahali fulani kwa muda wa siku hizo ine. Lazaro hakuwa na nafsi isiyoweza kufa ambayo ilienda mbinguni. Kwa kumufufua Lazaro, Yesu hakumuondoa katika furaha ya mbinguni karibu na Mungu na kumurudisha tena duniani. Sasa, Lazaro alikuwa wapi kwa muda wa siku hizo ine? Kwa kweli, alikuwa amelala katika kaburi.​—Mhubiri 9:5, 10.

Kumbuka, Yesu alilinganisha kifo na usingizi. Mutu anapofufuliwa ni kama vile anaamushwa kutoka katika usingizi. Habari hiyo inasema hivi: ‘Lazaro rafiki yetu anapumuzika, lakini ninafunga safari kuenda huko ili kumuamusha kutoka  katika usingizi. Kwa hiyo wanafunzi wakamuambia: Bwana, ikiwa anapumuzika, atapona. Hata hivyo, Yesu alikuwa amesema juu ya kifo chake. Lakini walifikiri alikuwa akisema juu ya kupumuzika katika usingizi. Kwa hiyo, wakati huo, Yesu akawaambia waziwazi: Lazaro amekufa.’ (Yohana 11:11-14) Kwa kumufufua Lazaro, Yesu alimurudisha kwenye uzima na akakutana tena na watu wa familia yake. Yesu aliwapatia watu wa familia hiyo zawadi nzuri kabisa!

Yesu alipofufua watu wakati alikuwa hapa duniani, alionyesha mambo ambayo atafanya wakati unaokuja akiwa Mufalme wa Ufalme wa Mungu. * Wakati atatawala dunia, Yesu akiwa mbinguni atafufua watu ambao wanalala usingizi katika kaburi la watu wote. Ndiyo sababu alisema hivi: “Mimi ndiye ufufuo.” Fikiria furaha utakuwa nayo wakati utawaona tena watu ambao unapenda! Fikiria pia furaha ambayo watu watakaofufuliwa watakuwa nayo!​—Luka 8:56.

Yesu alimuambia Martha hivi: ‘Yule anayeniamini, hata akifa, atarudi kwenye uzima; na kila mutu aliye hai na ananiamini hatakufa kamwe.’ (Yohana 11:25, 26) Watu ambao Yesu atafufua katika utawala wake wa miaka elfu watakuwa na tumaini la kuishi milele ikiwa tu wanaendelea kumuamini.

Kisha kusema maneno hayo ya maana juu ya ufufuo, Yesu alimuuliza Martha ulizo hili ili kumusaidia achunguze moyo wake: ‘Je, unaamini hilo? Akamuambia: Ndiyo, Bwana; nimeamini kwamba wewe ndiye Kristo Mwana wa Mungu.’ (Yohana 11:26, 27) Namna gani wewe, unapenda uwe na imani katika ufufuo, imani iliyo kama ile ya Martha? Hatua ya kwanza ni kujua makusudi ya Mungu kwa ajili ya wanadamu. (Yohana 17:3; 1 Timotheo 2:4) Ujuzi huo unaweza kukusaidia uwe na imani. Uwaulize Mashahidi wa Yehova wakuonyeshe mambo ambayo Biblia inafundisha kuhusu habari hiyo. Watafurahi kuzungumuza na wewe juu ya tumaini nzuri la ufufuo.