Nini njo inakuya mu akili yako wakati unasikia neno “apokalipsi”? Pengine unawazia musiba wenye utapata dunia yote, ao pengine mwisho wa vitu vyote vyenye uzima. Watu fulani wanaamini kama kule kwenye tuko tunaenda kuko musiba wa vile, zaidi sana wakati wanasoma habari zenye kufanana na hizi:

•   “Vita ya nyuklia inaweza kutokea saa ni saa, ikuwe itaanza kimakusudi, kwa sababu ya kosa fulani, ao juu ya kukosa kusikilizana.”—Bulletin of the Atomic Scientists.

•   “Mu miaka kumi yenye imepita kumetokea upepo mukali, moto ya mapori, ukosefu wa mvua, mabadiliko ya hali ya hewa yenye kuwa na matokeo ya mubaya juu ya matumbawe ao coraux, joto sana, na maji kuyala sana mu dunia.”—National Geographic.

•   “Nzige wengi wenye wanashambulia Afrika wanaharibisha vitu mubaya sana kuliko zamani.”—The Associated Press.

 Hii dunia itaharibiwa na apokalipsi kubwa? Biblia inasema nini juu ya ile?

 Hapana. Neno ya Mungu, Biblia, inatuhakikishia kama dunia itadumu milele. (Muhubiri 1:4) Kuliko kuharibu planete yetu yenye aliumba, Mungu ‘ataharibu njo wale wenye wanaharibu dunia.’—Ufunuo 11:18.

 Kulingana na Biblia, “dunia” yenye itaharibiwa ni dunia ya wanadamu wenye hawatii Mungu, wenye kutafuta tu faida zao. Sawa vile tu alifanyaka mu wakati ya Noa, Mungu ataharibu “ulimwengu (ao dunia) wa watu wenye hawamuogope [Yeye].”—2 Petro 2:5; 3:7.

 Sawa vile 1 Yohana 2:17 inasema, “ulimwengu (ao dunia) unapita na pia tamaa yake.” Hii andiko inaonyesha kama Mungu ataharibu, hapana planete dunia, lakini watu wenye kufanya mambo ya mubaya.

 Biblia haionyeshe siku mwisho utafika. (Matayo 24:36) Lakini, inaonyesha kama mwisho uko karibu sana. Ona mambo yenye Biblia ilitabiri:

•   Mambo sawa vile vita, upungufu wa chakula, magonjwa ya kuambukiza, na matetemeko makubwa ya inchi ingetokea “mahali pamoja kisha pengine.”—Matayo 24:3, 7, 14; Luka 21:10, 11; Ufunuo 6:1-8.

•   Kwa ujumla, watu wangekuwa wenye kujifikiria tu wenyewe. Kwa mufano, wangekuwa “wenye kupenda feza,” “wenye hawana shukrani,” na “wenye hawajizuie.”—2 Timoteo 3:1-5.

 Watu wengi wanakubali kama tangu mwaka wa 1914, mambo yenye kutokea mu dunia inapatana na mambo yenye Biblia ilitabiri kama njo ingeonyesha kuwa mwisho uko karibu. Juu ya kupata maelezo zaidi, ona habari “Mfuatano wa Matukio Katika Biblia Unaonyesha Nini Kuhusu Mwaka wa 1914?” na “Nini Njo Alama ya ‘Siku za Mwisho’?”

 Neno ya kwanza ya Kigiriki yenye ilitumiwa juu ya kutafsiri “apokalipsi” mu Biblia inamaanisha “kufunua.” Kwa ujumla ile neno inaonyesha tendo ya kufunua habari yenye imefichwa. Tena, Biblia inazungumuzia wakati “Bwana Yesu Kristo atafunuliwa [ao, apokalipsi].” Ile itatokea wakati Yesu atafunuliwa kama mwenye nguvu wakati atakuya kutosha mambo yote ya mubaya hapa ku dunia na pia kupatia zawabu wale wenye kumuabudu Mungu.—2 Watesalonike 1:6, 7; 1 Petro 1:7, 13.

 Kitabu ya mwisho ya Biblia inaitwa A·po·kaʹly·psis, ao Ufunuo, juu inafunua mambo yenye itatokea kule mbele. (Ufunuo 1:1) Ile kitabu iko na habari njema na pia ujumbe wa tumaini. (Ufunuo 1:3) Inaonyesha kama Mungu atatosha mambo yote ya ukosefu wa haki na kufanya hii dunia kuwa paradiso. Mu ile dunia, wanadamu hawatakuwa na maumivu, hawatateseka, na hata kifo hakitakuwa tena.—Ufunuo 21:3, 4.

 Unapenda kujua mambo mingi zaidi juu ya ile ahadi? Mashahidi wa Yehova wanajifunzaka na watu kwa bure. Juu ya nini usiwatafute ili wakusaidie?