MUENDELEE KUKESHA!
Mawazo ya Wakristo juu ya Vita—Biblia Inasema Nini?
Sawa vile vita ya Ukraine inaonyesha, viongozi wa dini wanaunga mukono vita. Ona namna viongozi wa inchi zote mbili wanafanya vile:
“Maaskari wetu wote wapewe shukrani na heshima juu wako napigana na watu wenye kushambulia Ukraine, inchi yao . . . Tutaendelea sikuzote kuwapenda, kusali juu yenu, na kuwategemeza.”—maneno ya kiongozi mukubwa wa Kanisa ya Ortodoksi ya Ukraine, kama vile ilionyeshwa mu The Jerusalem Post, tarehe 16, Mwezi wa 3, 2022.
“Kiongozi mukubwa wa Kanisa ya Ortodoksi mu Urusi alifanya misa kwa ajili ya maaskari wa Urusi. Mu ile misa aliwatia moyo wapiganie inchi yao wakati Moscow inaendelea kupigana na Ukraine, ‘juu ni Warusi tu njo wanaweza kufanya vile’.”—Reuters, tarehe 3, Mwezi wa 4, 2022.
Wakristo wanapaswa kujiingiza mu vita? Biblia inasema nini?
Biblia inasema kabisa nini
Biblia inaonyesha kama wale wenye wanamufuata kabisa Yesu hawajiingize mu mambo ya vita.
“Rudisha upanga wako mahali pake, kwa maana wote wenye wanatumikisha upanga watakufa kwa upanga.”—Matayo 26:52.
Mutu mwenye anakubali vita ao mwenye anapigana vita, anatii kabisa maneno ya Yesu?
“Ninawapatia ninyi amri mupya, kwamba mupendane; kama vile nimewapenda ninyi, ninyi pia mupendane vilevile. Kwa jambo hili wote watajua kama ninyi ni wanafunzi wangu—kama muko na upendo kati yenu.”—Yohana 13:34, 35.
Mutu mwenye anaunga mukono vita, anaonyesha upendo wenye Yesu alisema kama utasaidia kutambua wanafunzi, ao wafuasi wake?
Ili kupata habari zaidi, soma habari “Je, Ukristo Unaunga Mkono Vita?”
Mawazo ya Wakristo juu ya vita leo
Inawezekana Wakristo wasijiingize mu mambo ya vita leo? Ndiyo. Biblia ilisema kama mu wakati wetu, wakati wenye kuitwa “kipindi cha mwisho cha zile siku,” kungekuwa watu kutoka mu mataifa yote wenye “hawatajifunza vita tena;” ile inapatana na mafundisho ya Yesu.—Isaya 2:2, 4.
Ili kupata habari zaidi soma habari “Mungu Anaona Vita Namna Gani?” mu Munara wa Mulinzi.
Karibuni Yehova, a “Mungu wa amani,” atatumia serikali yake ya mbinguni ili kuokoa watu kutoka “katika ukandamizaji na katika jeuri.”—Wafilipi 4:9; Zaburi 72:14.
Juu ya kuona namna atafanya vile, angalia video Ufalme wa Mungu Ni Nini?
a Yehova ni jina ya pekee ya Mungu.—Zaburi 83:18.
Ona pia...
MUENDELEE KUKESHA!
Dini na Vita mu Ukraine—Biblia Inasema Nini?
Viongozi wa dini wa Urusi na wa Ukraine wako natumia mamlaka yao tofauti kabisa na mambo yenye Yesu alifundisha wanafunzi wake wafanye.
MAFUNDISHO YA MUSINGI YA BIBLIA
Sababu Gani Mungu Anaacha Mateso?
Watu wengi wanajiuliza sababu gani dunia inajaa sana chuki na mateso. Biblia inatoa jibu lenye kuwa wazi na lenye kutia moyo.
AMUKA!
Mambo Biblia inasema kuhusu vita
Zamani, Waisraeli walipigana vita katika jina la Mungu. Hilo linamaanisha kwamba Mungu anakubali vita ya siku zetu?
HABARI ZINGINE
Dini Inapaswa Kujiingiza mu Mambo ya Politike?
Mu dunia yote, watu wengi wenye kusema kama wanafuata Yesu Kristo wanajiingiza sana mu mambo ya politike. Njo vile mambo inapaswa kuwa?
MAFUNDISHO YA BIBLIA
Jaribu Programu Yetu ya Kujifunza Biblia
Ujifunze Biblia mu njia ya mazungumuzo pamoya na mwalimu.
