Mara moya kila mwaka, Mashahidi wa Yehova na mamilioni ya watu wenye wanaalika wanakusanyika pamoya ili kufanya Ukumbusho wa kifo ya Yesu, sawa vile Yesu aliamuru. (Luka 22:19) Ile tukio inatusaidia kuelewa juu ya nini zabihu yenye Yesu alitoa kwa ajili ya wanadamu ni ya maana sana. Inatusaidia pia kuelewa faida yenye ile zabihu inatuletea leo na wakati wenye kuya.​—Yohana 3:16.

 Ikuwe utafika ku Ukumbusho wa hii mwaka ao hapana, unaweza kufanya nini juu zabihu ya Yesu ikuletee faida? Yesu alifundisha kama tunapaswa kufanya mambo mbili ya maana:

1.  1. Kujifunza juu ya Mungu na Yesu. Mu sala yenye alitolea Baba yake wa mbinguni, Yesu alisema hivi: “Uzima wa milele ndio huu, wafikie kukujua wewe Mungu wa pekee wa kweli, na ule mwenye ulituma, Yesu Kristo.”​—Yohana 17:3.

2.  2. Kutumikisha mambo yenye unajifunza. Yesu alifundisha kama tunapaswa kutumikisha mafundisho yake mu maisha yetu. Kwa mufano alimalizia Mahubiri yake ya Mulimani yenye kujulikana sana kwa kupongeza kila mutu mwenye “kusikia maneno [yake] kisha anayatenda.” (Luka 6:46-48) Tena, wakati ingine alisema hivi: “Kama munajua mambo haya, ninyi ni wenye furaha ikiwa munayatenda.”​—Yohana 13:17.

 Unapenda kujua mambo mingi juu ya Mungu na Yesu? Unapenda kupata mashauri juu ya namna ya kutumikisha mambo yenye uko najifunza? Mambo yenye kufuata inaweza kukusaidia.

 Programu yetu ya kujifunza na watu Biblia bila malipo na kwa njia ya mazungumuzo, imesaidia watu wengi kuelewa mafundisho ya Biblia na kuitumikisha mu maisha yao.

•   Ufungue sehemu Ujifunze Biblia na Mwalimu juu ujue mambo mingi zaidi juu ya hii programu ya kujifunza Biblia.

•   Angalia video Tunakukaribisha ku Mazungumuzo Yetu ya Biblia juu ujue namna Mashahidi wa Yehova wanajifunzaka Biblia na watu.

 Mashahidi wa Yehova wanakutanaka mara mbili kila juma ku fasi zao za ibada zenye kuitwa Jumba ya Ufalme. Ku ile mikutano tunajifunzaka Biblia na namna ya kutumikisha mafundisho ya Biblia mu maisha yetu.

 Kila mutu anaweza kuya ku ile mikutano; unaweza kuya hata kama hauko Shahidi wa Yehova. Kulingana na hali ya kwenu, unaweza kukusanyika ku Jumba ya Ufalme ao kupitia vidéoconférence.

•   Angalia video Kwa Kawaida Tunafanya Nini Kwenye Jumba la Ufalme? juu ujue namna mikutano yetu inapitikanaka.

•   Ili ujue kwenye mikutano inafanyikaka karibu na kwenu, fungua sehemu Mikutano ya Kutaniko ya Mashahidi wa Yehova.

 Habari na video za mingi zenye kuwa ku hii site zinaweza kukusaidia kujifunza mambo mingi zaidi juu ya mafundisho ya Yesu na faida yenye zabihu yake inatuletea.

 Kwa mufano, juu ya kujua namna kifo ya mutu mumoya inaweza kuletea faida mamilioni ya watu, soma habari “Yesu Anatuokoa Namna Gani?” na “Sababu Gani Yesu Aliteseka na Kufa?” ao uangalie video Sababu Gani Yesu Alikufa?