Mu mwaka wa 2024, mu inchi za mingi mutakuwa uchaguzi. Lakini watu wengi hawaaminie tena watu wa politike.

•   Mu uchunguzi fulani wenye ulifanywa Amerika, watu wengi walisema kama “Watu wengi wa politike wanatafuta tu faida zao wenyewe,” hawana nia ya kutumikia watu. a​—Pew Research Center, tarehe 19, Mwezi wa 9, 2023.

 Vijana pia hawaaminie watu wa politike.

•   “Vijana wanakuwaka na nia ya kutafuta namna ya kumaliza matatizo. Lakini mu uchunguzi mbalimbali vijana wanasema kama watu wa politike hawahangaikie mambo yenye kuwahangaisha.”​—The New York Times, tarehe 29, Mwezi wa 1, 2024.

•   “Kulingana na uchunguzi fulani, vijana wanaaminia zaidi watu wenye kuwa ku YouTube kuliko watu wa politike.”​—The Korea Times, tarehe 22, Mwezi wa 1, 2024.

 Tunaweza kutumainia kama watu wa politike watafanya maisha ya kesho ikuwe muzuri zaidi? Tunapaswa kutumainia nani?

 Watu wako na sheria ya kuwa waangalifu na kuepuka kuamini-amini kila mutu. Biblia inasema kama “mujinga anaamini kila neno, lakini mwerevu anafikiria sana kila hatua.”​—Mezali 14:15.

•   Ili kujua namna unaweza kujua ikiwa habari fulani ni ya kweli ao ya uongo, soma habari “Jilinde Dhidi ya Habari za Uwongo.”

 Tena, hata watu wa politike wenye kuwa na nia ya muzuri hawana uwezo wa kufanya mambo yote yenye wangependa. Njo maana Biblia inatuonya:

•   “Musitumainie wakubwa wala mwana wa binadamu, mwenye hawezi kuleta wokovu.”​—Zaburi 146:3.

 Biblia inasema kama Mungu ameweka kiongozi muzuri zaidi, mwenye uwezo na mwenye tunaweza kutumainia: Yesu Kristo. (Luka 1:32, 33) Yesu ni Mufalme wa Ufalme wa Mungu, ni kusema serikali yenye inatawala ikiwa mbinguni.​—Matayo 6:10.

•   Ona juu ya nini unaweza kutumainia Yesu na namna atamaliza magumu yenye tuko nayo leo. Soma habari “Ni Nani Mufalme wa Ufalme wa Mungu?” na “Ufalme wa Mungu Utafanya Nini?”