Mashahidi wa Yehova wanafanya kazi ya maana sana ili kusaidia watu mu inchi zaidi ya 200. Lakini ni inchi karibu 35 tu njo iko na uwezo wa kutumia michango yao wenyewe juu ya kulipia garama zao. Namna gani garama zinalipwa mu inchi zenye hazijiwezi?

 Baraza Lenye Kuongoza linafikiria mambo yenye Mashahidi wa Yehova mu dunia yote wako nayo lazima juu ya kumuabudu Yehova na kuhubiri habari njema. Kwa hiyo, michango inatumiwa kwa uangalifu na kwa njia ya muzuri sana. Kama tawi fulani inapata michango ya zaidi, inatuma ile michango ya zaidi mu inchi zenye kupungukiwa. Ile inapatana na mupango wa “usawazisho,” wenye Wakristo wa kwanza-kwanza walitumia juu ya kusaidiana. (2?Wakorinto 8:14) Walitumia michango yao ya zaidi ili kujazia upungufu wa Wakristo wenye hawakukuwa na uwezo.

 Ndugu zetu wenye wamepokea ile michango ya zaidi wanajisikia namna gani? Kwa mufano, katika Tanzania, kwenye zaidi ya nusu ya watu wanaishi kwa kutumia chini ya dola mbili kwa siku, ile michango ya zaidi ilitumiwa ili kutengeneza upya Jumba la Ufalme lenye linatumiwa na kutaniko la Mafinga. Kutaniko iliandika hivi: “Tangu Jumba la Ufalme litengenezwe upya, watu wengi sasa wako wanafika ku mikutano! Tunashukuru sana tengenezo la Yehova na ukarimu wa ndugu na dada wa mu dunia yote. Ile njo ilifanya tukuwe na hii fasi ya muzuri ya kukusanyikia juu ya kumuabudu Yehova.”

 Ndugu zetu fulani wa Sri Lanka walikosa chakula juu ya hii ugonjwa wa COVID-19. Imara Fernando na mutoto yake, Enosh, walikuwa kati ya wale wenye walikosa chakula. Lakini juu ya michango ya ndugu wa inchi zingine, wamepata musaada wenye walikuwa nao lazima. Waliandika hivi kwenye karte fulani: “Tunashukuru ndugu zetu wenye walituonyesha upendo hii wakati ya nguvu. Tuko na furaha sana kupatikana mu hii familia, na tunaendelea kuomba ili Yehova asaidie ndugu na dada zetu wote mu hizi siku za mwisho.”

 Kote kwenye ndugu zetu wanaishi, wako wanatoa kulingana na uwezo wao. Kwa mufano, Enosh, alijifanyia kibweta mwenye anatiaka feza juu naye akuwe anatoa michango ili kusaidia familia zenye kuwa mu uhitaji. Dada Guadalupe Álvarez, naye iko na ile roho ya ukarimu. Anaishi mu sehemu moja ya Meksiko kwenye watu kidogo wanapataka mushahara ya kidogo, wengine hawapatake hata mushahara. Lakini, anatoaka michango kulingana na uwezo wake. Aliandika hivi: “Yehova ni mwema na iko na upendo mushikamanifu, namushukuru sana. Najua kama michango yangu itaongezwa ku michango ya ndugu wengine na itasaidia sana ndugu na dada wenye kuwa mu uhitaji.”

 Inafurahisha sana ndugu wa Biro za tawi wakati wanatuma feza mu inchi zenye kuwa na uhitaji. Ndugu Anthony Carvalho, mwenye kutumikia mu Halmashauri ya Tawi ya Brazili, alisema hivi: “Kwa miaka mingi, kazi mu inchi yetu ilikuwa na lazima ya musaada ya inchi zingine.” “Ile musaada wa feza ilifanya kukuwe maendeleo ya ajabu. Kwa sasa, tunakuwa na michango ya zaidi. Ile inafanya na siye tukuwe na pendeleo ya kusaidia wengine. Ndugu zetu wanaendelea kutegemeza kazi ya kuhubiri ya mu dunia yote na wanajikaza kusaidia wanafunzi wengine wa Yesu wenye kujitoa mu kazi yake.”

 Namna gani Mashahidi wa Yehova wanaweza kutegemeza muzuri sana ndugu na dada zao wenye kuwa mu uhitaji? Haiko kwa kutuma moja kwa moja feza ku biro ya tawi ya inchi fulani, lakini ni kwa kutoa michango ili kutegemeza kazi ya dunia yote. Unaweza kufanya vile kupitia kisanduku cha michango kwenye kunaandikwa “Kazi ya Ulimwenguni Pote” ao ku site yetu, kupitia donate.pr418.com. Tunashukuru sana kupata ile michango yote.