Maandiko ya Kutusaidia mu Maisha ya Kikristo itakusaidia kupata kwa wepesi maandiko ya Biblia na habari fulani zenye zinaweza kukusaidia kupambana na magumu yenye uko napata. Itakusaidia pia kupata maandiko ya Biblia yenye kufaa juu ya kutia wengine moyo na kuwasaidia kukamata maamuzi yenye inamufurahisha Yehova. Chagua habari yenye uko natafuta. Kila habari iko na maulizo yenye inaweza kukusaidia na iko pia na habari za Biblia zenye zinazungumuziwa kwa kifupi. (Ona Kisanduku “ Namna ya Kutumikisha hii Kitabu.”) Utapata kwa wepesi maandiko yenye itakupatia mashauri na vitia-moyo vyenye uko navyo lazima. Utapata pia mambo ya muzuri yenye unaweza kuambia wengine, maandiko ya Biblia yenye itawapatia nguvu, kuwasaidia mu magumu, na kuwatolea mashauri na kitia-moyo.

Mu hii kitabu hamuna maandiko yote yenye inahusu habari fulani. Lakini imetayarishwa juu ya kukusaidia upate maandiko yenye inaweza kukusaidia ujue kwenye utaanzia utafiti. (Mez 2:​1-6) Juu ya kupata habari zaidi utumikishe referanse zenye ziko katikati ya ukurasa mu Biblia Tafsiri ya Ulimwengu Mupya, na pia maelezo ya funzo yenye inapatikana mu Biblia ya kifaransa. Tumikisha Musaada wa Kutafuta Habari kwa Ajili ya Mashahidi wa Yehova ao Index des publications des Témoins de Jéhovah juu ya kuelewa muzuri zaidi maana ya andiko ao namna ya kuitumikisha. Ujifunze habari zenye zimetolewa karibuni juu ya kuhakikisha kama uko na mafasirio ya sasa ya Maandiko.

Acha basi hii kitabu ikusaidie upate hekima, ujuzi, na uelewe muzuri Maandiko Matakatifu. Wakati uko natumikisha hii kitabu, utakuwa hakika zaidi kama “neno la Mungu liko na uzima na liko na nguvu.”—Ebr 4:12.