Sisi wote tunahitaji feza ili kutosheleza mahitaji ya familia yetu. (Methali 30:8) Kwa vyovyote, “feza ni ulinzi.” (Mhubiri 7:12) Inaweza kuwa vigumu kuzungumuzia feza kati yenu wawili, lakini musiache feza zitokeze matatizo katika ndoa yenu. (Waefeso 4:32) Ni lazima bibi na bwana watumainiane na kuungana mukono wakati wanaamua namna watatumia feza zao.

MAMBO AMBAYO BIBLIA INASEMA: ‘Ni nani kati yenu anayetaka kujenga munara ambaye haketi kwanza na kuhesabu garama, ili aone kama ana kiasi cha kutosha kuukamilisha?’ (Luka 14:28) Ni vizuri muamue pamoja namna mutatumia feza zenu. (Amosi 3:3) Muamue ni vitu gani munapaswa kuuza na kiasi cha feza ambacho munaweza kutumia. (Methali 31:16) Hamupaswe kuuza kitu fulani kwa sababu tu muna feza za kukiuza. Muepuke madeni. Mutumie tu feza mulizo nazo.​—Methali 21:5; 22:7.

MAMBO YA KUFANYA:

• Ikiwa mwishoni mwa mwezi munaweka kiasi fulani cha feza, muamue pamoja namna mutazitumia

• Ikiwa munapungukiwa feza, muamue kupunguza garama zenu. Kwa mufano, munaweza kujipikia chakula kuliko kuuza chakula kwenye mukahawa oa restora

MAMBO AMBAYO BIBLIA INASEMA: ‘Fanya mupango wa unyoofu, si machoni pa Yehova tu, bali pia machoni pa wanadamu.’ (2 Wakorintho 8:21) Umuambie waziwazi bibi ao bwana yako feza unazopokea na zile unazotumia.

Usikose kumuelezea mwenzako wakati unataka kufanya maamuzi makubwa kuhusiana na feza. (Methali 13:10) Kuzungumuza pamoja kuhusu mambo ya feza kutawasaidia muendeleze umoja katika ndoa yenu. Usione feza unazopata kuwa zako, lakini uzione kuwa za familia.​—1 Timotheo 5:8.

MAMBO YA KUFANYA:

• Mukubaliane kuhusu kiasi cha feza ambacho kila mumoja wenu anaweza kutumia bila kumuuliza mwengine

• Musingoje mupaka matatizo yatokee ili muzungumuzie mambo ya feza