1-3. Watu wanajiulizaka maulizo gani juu ya kifo, na dini fulani zinajibu namna gani?

BIBLIA inatupatia ahadi (malako) kama siku moja “kifo hakitakuwa tena.” (Ufunuo 21:4) Mu Sura ya 5, tulijifunza kama tunaweza kupata uzima wa milele kupitia bei ya ukombozi. Lakini leo watu wanaendelea kufa. (Muhubiri 9:5) Kwa hiyo, watu wengi wanajiulizaka hivi: Tunaenda wapi wakati tunakufa?

² Tunapenda zaidi kujua jibu la ulizo hilo wakati mutu mwenye tunapenda anakufa. Tunaweza kujiuliza hivi: ‘Ameenda wapi? Anatuona? Anaweza kutusaidia? Tutamuonaka tena?’

³ Dini (religion) zinajibu maulizo hayo kwa njia mbalimbali. Dini fulani zinafundisha kwamba kama uko mutu muzuri unaenda mbinguni, na kama uko mutu mubaya, unaenda kuunguzwa mu moto wa mateso. Wengine wanasema kama wakati unakufa unakuwa roho na unaenda kuishi pamoja na watu wa familia yako wenye wamekwisha kufa. Na wengine wanasema kama kisha kufa unahukumiwa kisha unazaliwa tena mu mwili ingine, pengine mu mwili wa mutu mwingine ao wa munyama fulani.

4. Dini zinafundisha jambo gani kubwa juu ya kifo?

⁴ Dini zinafundisha mambo yenye kuwa tofauti ao yenye kuachana kabisa. Lakini, karibu zote zinafundisha wazo moja kubwa. Zinafundisha kama, wakati mutu anakufa, sehemu fulani yenye kuwa ndani yake inaendelea kuishi. Je, ni kweli?

5, 6. Ni nini inatupata wakati tunakufa?

⁵ Yehova anajua jambo lenye linatupata wakati tunakufa, na ametuambia kama wakati mutu anakufa, uzima wake unafika mwisho. Wakati mutu anakufa, haishi tena. Kwa hiyo, kama mutu anakufa, hakuna sehemu yenye kuwa ndani yake yenye inaendelea kuishi nafasi fulani. * Wakati tunakufa hatuwezi tena kuona, kusikia, ao kuwaza.

⁶ Mufalme Sulemani aliandika hivi: “Wafu hawajue kitu chochote.” Watu wenye wamekufa hawawezi kupenda ao kuchukia, na “hakuna kazi wala mipango wala ujuzi wala hekima katika Kaburi.” (Soma Muhubiri 9:5, 6, 10.) Na mu Zaburi 146:4, Biblia inasema kama wakati mutu anakufa, “mawazo yake” yanakufa.

7. Yesu alisema nini juu ya kifo?

⁷ Wakati rafiki yake Lazaro alikufa, Yesu aliambia wanafunzi wake hivi: “Rafiki yetu Lazaro amelala usingizi.” Lakini Yesu hakumaanisha kama Lazaro alikuwa anapumuzika. Yesu alisema tena hivi: “Lazaro amekufa.” (Yohana 11:11-14) Kwa hiyo, Yesu alifananisha kifo na usingizi. Hakusema kama Lazaro alikuwa mbinguni ao alikuwa pamoja na watu wa familia yake wenye walikuwa wamekwisha kufa. Na hakusema kama Lazaro alikuwa anateseka mu moto wa mateso ao alikuwa anazaliwa mu mwili ingine wa mwanadamu ao wa munyama fulani. Ilikuwa kama vile Lazaro alikuwa katika usingizi muzito. Maandiko mengine yanafananisha kifo na usingizi muzito. Biblia inasema kama, wakati Stefano aliuawa, “akalala usingizi katika kifo.” (Matendo 7:60) Mutume Paulo aliandika pia kama  Wakristo fulani walikuwa “wamelala usingizi katika kifo.”​—1 Wakorinto 15:6.

8. Ni nini inaonyesha kama wakati Mungu aliumba wanadamu hakupenda wakufe?

⁸ Wakati Mungu aliumba Adamu na Eva, alipenda wakufe siku fulani? Hapana! Yehova aliwaumba ili wafurahie maisha milele na afya kamilifu. Wakati Yehova aliumba watu, aliwapatia tamaa ya kuishi milele. (Muhubiri 3:11) Wazazi hawapendi watoto wao wazeeke na kufa. Yehova pia hapendi kuona tunazeeka na kufa. Lakini, kama Mungu alituumba ili tuishi milele, juu ya nini tunakufaka?

9. Juu ya nini amri yenye Yehova alipatia Adamu na Eva haikukuwa nguvu?

⁹ Mu bustani ao shamba la Edeni, Yehova alimuambia Adamu hivi: “Unaweza kula matunda ya kila muti wa bustani mupaka ushibe. Lakini kuhusu matunda ya muti wa ujuzi wa mema na mabaya, usikule, kwa maana siku yenye utakula matunda yake, hakika utakufa.” (Mwanzo 2:9, 16, 17) Amri hiyo yenye kuwa wazi haikukuwa nguvu kutii, na Yehova alikuwa na haki ya kuambia Adamu na Eva mambo yenye kuwa mema na yenye kuwa mabaya. Kama wangemutii ao kumusikia Yehova wangemuonyesha kama wanaheshimia mamlaka yake. Wangemuonyesha pia kama wako wenye shukrani sana kwa vitu vyote vyenye alikuwa amewapatia.

10, 11. (a) Namna gani Shetani alidanganya Adamu na Eva? (b) Kosa lenye Adamu na Eva walifanya lilikuwa kubwa. Juu ya nini?

¹⁰ Jambo la kuhuzunisha ni kwamba, Adamu na Eva walichagua kukosa kumutii Yehova. Shetani aliambia Eva hivi: “Je, ni kweli kwamba Mungu alisema hamupaswe kula matunda ya kila muti wa bustani?” Eva akajibu hivi: “Tunaweza kula matunda ya miti ya bustani. Lakini kuhusu matunda ya muti wenye kuwa katikati ya bustani Mungu amesema: ‘Hamupaswe kuyakula, hapana, hamupaswe kuyagusa; mukifanya vile mutakufa.’”​—Mwanzo 3:1-3.

¹¹ Kisha Shetani akamuambia hivi: “Hakika hamutakufa. Kwa sababu Mungu anajua kwamba siku ileile yenye mutakula matunda ya muti huo, macho yenu yatafunguliwa na mutakuwa kama Mungu; mukijua mema na mabaya.” (Mwanzo 3:4-6) Shetani alipenda Eva awaze kama yeye mwenyewe anaweza kuamua mambo yenye kuwa mema na yenye kuwa mabaya. Wakati uleule, alimudanganya juu ya mambo yenye yangemufikia kama angekosa kumutii Mungu. Shetani alisema kama Eva hangekufa.  Kwa hiyo, Eva alikula tunda hilo na akapatia pia bwana yake. Adamu na Eva walijua kama Mungu alikuwa amewaambia wasikule tunda hilo. Wakati walikula tunda hilo walichagua kukosa kutii amri yenye kuwa wazi na yenye haikukuwa nguvu. Wakati walikula tunda hilo, walionyesha kama hawakuheshimia Baba yao wa mbinguni mwenye upendo. Hawakukuwa na sababu ya kukosa kumutii Mungu!

12. Yehova alijisikia namna gani wakati Adamu na Eva walikosa kumutii?

¹² Yehova alihuzunika sana kuona kama Adamu na Eva hawakumuheshimia! Wazia mufano huu: unajikaza sana kukomalisha mutoto wako mwanaume na mwanamuke, kisha watoto hao wanakataa kukutii na wanafanya mambo yenye umewakataza. Unaweza kujisikia namna gani? Kwa kweli, utahuzunika sana.

13. Yehova alipenda kusema nini wakati aliambia Adamu kama ‘atarudia katika mavumbi’?

¹³ Wakati Adamu na Eva walikosa kumutii Mungu, walipoteza tumaini la kuishi milele. Yehova alimuambia Adamu hivi: “Kwa maana wewe ni mavumbi na utarudia katika mavumbi.” (Soma Mwanzo 3:19.) Maana yake, Adamu angekuwa tena mavumbi, ni kama vile hakuumbwa hata kidogo. (Mwanzo 2:7) Kisha Adamu kufanya zambi alikufa na hakukuwa tena.

14. Juu ya nini tunakufaka?

¹⁴ Kama Adamu na Eva wangemutii Mungu, wangekuwa wazima mpaka leo. Lakini wakati  walikosa kumutii Mungu, walifanya zambi, na wakafikia kufa. Zambi iko kama ugonjwa mubaya sana wenye tumeriti kutoka kwa wazazi wetu wa kwanza, Adamu na Eva. Sisi wote tunazaliwa na zambi, njo maana tunakufaka. (Waroma 5:12) Lakini hilo halikukuwa kusudi la Mungu juu ya wanadamu. Mungu hakupenda hata kidogo wanadamu wakufe, na Biblia inasema kama kifo ni “adui.”​—1 Wakorinto 15:26.

15. Namna gani kujua kweli juu ya kifo kunatufanya tukuwe huru?

¹⁵ Kujua kweli juu ya watu wenye wamekufa, kunatufanya tukuwe huru. Hatuamini tena mafundisho mingi ya uongo. Biblia inatufundisha kama watu wenye wamekufa hawasikie maumivu ao huzuni hata kidogo. Hatuwezi kuzungumuza nao, nao hawawezi kuzungumuza na sisi. Hatuwezi kuwasaidia, nao hawawezi kutusaidia. Hawawezi kututendea mambo ya mubaya; kwa hiyo, hatupaswe kuwaogopa. Lakini, dini nyingi zinafundisha kama watu wenye wamekufa wanaishi mahali fulani. Zinafundisha pia kama tunaweza kuwasaidia kama tunapatia wakubwa wa dini feza ili wawaombee. Lakini kama tunajua kweli juu ya watu wenye wamekufa, hatutadanganywa tena na mafundisho hayo ya uongo.

16. Dini nyingi zinafundisha jambo gani la uongo juu ya watu wenye wamekufa?

¹⁶ Shetani anatumia dini za uongo ili kutudanganya, na kutuchochea tuwaze kama watu wenye wamekufa wanaishi mahali fulani. Kwa mufano, dini fulani zinafundisha kama wakati tunakufa, sehemu fulani yenye kuwa ndani yetu inaendelea kuishi mahali fulani. Dini yako inafundisha vile, ao inafundisha mambo yenye Biblia inasema juu ya kifo? Shetani anatumia uongo kusudi afanye watu wasimukaribie Yehova.

17. Juu ya nini fundisho la kuunguza watu mu moto wa mateso linamuharibishia Mungu sifa?

 ¹⁷ Mambo yenye dini nyingi zinafundisha ni yenye kuchukiza sana. Kwa mufano, dini fulani zinafundisha kama watu wabaya wataunguzwa milele mu moto wa mateso. Uongo huo unamuharibishia Mungu sifa. Hawezi hata kidogo kutesa watu vile! (Soma 1 Yohana 4:8.) Kama mutu fulani anapatia mutoto malipizi kwa kumuunguza mikono mu moto, utamuona mutu huyo namna gani? Unaweza kuona kama hana huruma hata kidogo. Hautapenda kufanya urafiki naye. Na Shetani anapenda tukuwe na mawazo hayo juu ya Yehova!

18. Juu ya nini hatupaswe kuogopa watu wenye wamekufa?

¹⁸ Dini fulani zinasema kama wakati watu wanakufa, wanakuwa roho. Dini hizo zinafundisha kama tunapaswa kuheshimia na hata kuogopa roho hizo kwa sababu zinaweza kuwa marafiki wazuri ao maadui wabaya sana. Watu wengi wanaamini uongo huo. Wanaogopa watu wenye wamekufa. Kwa hiyo, wanaabudu watu hao kuliko kumuabudu Yehova. Usisahau kama watu wenye wamekufa hawawezi kusikia jambo lolote, njo maana hatupaswe kuwaogopa. Yehova njo Muumbaji wetu. Yeye njo Mungu wa kweli, na tunapaswa kumuabudu yeye tu.​—Ufunuo 4:11.

19. Namna gani kujua kweli juu ya kifo kunatusaidia?

¹⁹ Wakati tunajua kweli juu ya watu wenye wamekufa, tunafanywa kuwa huru. Hatuamini tena mafundisho ya uongo yenye dini zinafundisha. Na kweli hiyo inatusaidia kuelewa ahadi za muzuri sana zenye Yehova anatutolea juu ya wakati wetu wenye kuja.

20. Tutajifunza nini mu habari yenye kufuata?

²⁰ Miaka mingi yenye imepita, mutumishi mumoja wa Mungu mwenye kuitwa Yobu aliuliza hivi: “Kama mutu anakufa, je, anaweza kuishi tena?” (Yobu 14:14) Inawezekana kabisa mutu mwenye amekufa aishi tena? Jibu lenye Mungu anatupatia mu Biblia ni lenye kufurahisha sana. Tutaona jibu hilo mu habari yenye kufuata.