Mu dini zote muko watu wenye wanataka kabisa kumufurahisha Mungu. Ni habari njema kujua kama Mungu anaona na kuhangaikia watu hao. Lakini, inahuzunisha sana kuona kama watu wenye kuwa katika dini njo wanafanya mambo mingi ya mubaya sana. (2 Wakorinto 4:3, 4; 11:13-15) Habari fulani zinaonyesha kama dini fulani zimejiingiza hata mu mambo ya terrorisme, mauaji makubwa, vita, na kutendea watoto mubaya. Ile matendo ya mubaya inachukiza sana watu wenye wanataka kabisa kumufurahisha Mungu na wenye wanamuamini.​—Soma Matayo 24:3-5, 11, 12.

Dini ya kweli inamutukuza Mungu, lakini dini za uongo zinamuchukiza. Dini za uongo zinafundisha mafundisho yenye haiko mu Biblia, kama vile mafundisho ya uongo juu ya Mungu na juu ya watu wenye wamekufa. Lakini, Yehova anataka watu wajue kweli juu yake.​—Soma Ezekieli 18:4; 1 Timoteo 2:3-5.

Jambo la kufurahisha ni hili: Mungu hadanganywe na dini zenye kusema kama zinamupenda lakini kwa kweli zinapenda ulimwengu wa Shetani. (Yakobo 4:4) Neno la Mungu linaita dini zote za uongo “Babiloni Mukubwa.” Babiloni ulikuwa muji wa zamani kwenye dini ya uongo ilianzia kisha Garika ya siku za Noa. Hivi karibuni, Mungu ataleta uharibifu wa kushitukia juu ya dini zenye kudanganya na kutesa watu.​—Soma Ufunuo 17:1, 2, 5, 16, 17; 18:8.

Kuko habari njema ingine: Yehova hasahau watu wenye wanataka kabisa kumufurahisha wenye kuwa mu dini mbalimbali za uongo mu dunia yote. Iko anakusanya watu hao kwa kuwafundisha kweli.​—Soma Mika 4:2, 5.

Yehova anahangaikia watu wenye wanapenda kweli na mambo ya muzuri. Anawaomba waachane na dini za uongo. Watu wenye wanamupenda Mungu wako tayari kufanya mabadiliko ili kumufurahisha.​—Soma Ufunuo 18:4.

Wakati wa mitume, watu wenye walitaka kabisa kumufurahisha Mungu walisikia habari njema yenye mitume walihubiri na wakaipokea kwa furaha. Yehova aliwafundisha namna ya mupya ya kuishi, yenye ilifanya wakuwe na furaha zaidi mu maisha, wakuwe na kusudi na tumaini. Watu hao walituachia mufano muzuri wenye tunaweza kufuata leo, kwa sababu kisha kupokea habari njema, walimutia Yehova pa nafasi ya kwanza mu maisha yao.​—Soma 1 Watesalonike 1:8, 9; 2:13.

Yehova anakaribisha katika familia ya waabudu wake watu wenye wanaachana na dini za uongo. Kama unaitika mualiko wenye upendo wa Yehova, utakuwa rafiki yake, utapata familia ya mupya ya waabudu wa Yehova wenye upendo, na utapata uzima wa milele.​—Soma Marko 10:29, 30; 2 Wakorinto 6:17, 18.

Habari njema ingine ni hii: hivi karibuni Mungu ataharibu dini za uongo. Dini za uongo hazitatesa tena watu mu dunia yote. Hazitadanganya tena watu na kuwafanya wakuwe na migawanyiko. Wale wote wenye kuishi watamuabudu Mungu wa kweli katika umoja.​—Soma Ufunuo 18:20, 21; 21:3, 4.