Virginia, ni Shahidi wa Yehova, mwenye kuwa na ulemavu wenye unamuzuia kufanya kila kitu isipokuwa tu kutingiza macho.Ule ugonjwa unaitwa syndrome d’enfermement. Ule ugonjwa unafanya akuwe mwenye kupooza. Anaweza kuona, kusikia, kufungula na kufunga macho na anaweza kutikisa kichwa kidogo. Lakini hawezi kusema ao kula. Wakati fulani alikuwaka na afya ya muzuri na nguvu. Lakini asubui moya mu 1997, alisikiaka maumivu ya nguvu sana na yenye kuendelea nyuma ya kichwa yake. Bwana yake alimupelekaka ku hopitale moya na ile mangaribi akapoteza ufahamu. Alilamuka kisha juma mbili na alikuwa mu chumba ya kuhangaikia watu wenye kuwa wagonjwa sana, alikuwa mwenye kupooza na walikuwa walishamutia kitu ya kumusaidia kupumua. Mu masiku kidogo yenye kufuata hakuweza kukumbuka kitu yoyote na hakujua hata kama alikuwa nani.

 Virginia anafasiria namna mambo ilikuwa kisha pale. Anasema hivi: “Polepole nilianza tena kurudisha ufahamu wangu. Nilisali sana. Sikupenda kufa na kuacha mutoto yangu mwanaume wa miaka kenda bila mama. Juu nikuwe na uhodari nilijikaza kukumbuka maandiko mingi ya mu Biblia kadiri niliweza.

 “Na kisha wanganga walinitosha mu ile chumba ya kuhangaikia watu wenye kuwa wagonjwa sana. Kisha kupitisha miezi sita mu hopitale mbalimbali na mu kituo moya ya kurekebisha hali yangu, nikarudishwa ku nyumba. Nilikuwa tu ningali mwenye kupooza kabisa na nilikuwa na lazima ya musaada mu mambo yote. Nilivunjika moyo sana! Nilijisikia kama siko wa maana kwa wengine na kwa Yehova pia. Nilihangaika pia juu singeweza kuhangaikia mutoto yangu mwanaume.

 “Nilianza kusoma habari ya Mashahidi wengine wenye walikuwa na magonjwa ya nguvu sawa miye na nilishangaa kuona mambo yenye waliweza kufanya juu wamutumikie Yehova. Ile ilinisaidia nikuwe na mawazo ya muzuri na nikaze akili juu ya mambo yenye ninaweza kufanya. Mbele nigonjwe sikukuwaka na wakati mingi juu ya mambo ya kiroho, sawa vile kujifunza kuhubiri na kusali. Sasa niko na wakati siku yote muzima, kila siku. Kwa hiyo, kuliko tu kubakia mwenye kuvunjika moyo nilikuwa najikaza kufanya urafiki wangu na Yehova ukuwe muzuri zaidi.

 Nilijifunza kutumia ordinatere. Programu ya ordinatere yenye ninatumikishaka inanisaidiaka kuandika ikifuatana na vile niko natikisa kichwa. Hata kama kufanya vile inanichokeshaka, ile programu inanisaidiaka nijifunze Biblia na niambie wengine juu ya tumaini yangu kwa kuwaandikia barua ao ujumbe fulani ku Enternete. Juu ya kuzungumuza na watu wenye kuwa pembeni yangu natumikishaka ubao wenye kuwa na erufi mbalimbali. Mutu mwenye kuwa pembeni yangu anakuwaka anaonyesha kidole ku erufi moya kisha ku ingine. Akionyesha kidole ku erufi yenye sikupenda wachagule minafungulaka macho sana, lakini akionyesha ku erufi yenye nilipenda wachagule nafungaka macho sana. Tunafanya vile tena na tena juu ya kufanyiza maneno na misemo. Dada fulani wenye wanapitishaka wakati mingi pamoya na miye walishazoea kabisa ile namna yangu ya kuongea, ile inawasaidia wajue mbele ya wakati mambo yenye ninataka kusema. Na wakati fulani wakichagula neno yenye sikupenda wachagule ile inatuchekeshaka sana.

 “Napendaka sana kuunga mukono kazi mbalimbali ya kutaniko. Kila mara najiungaka kwa ajili ya mikutano, na kwa sasa niko nafanya vile kupitia videoconférènce. Nawezaka kuandika maelezo yangu na mutu moya anaweza kuisoma wakati wa sehemu ya maulizo na majibu. Ninajiungaka pia na kikundi yangu ya mahubiri ili kufata programu ya kila mwezi ya JW Télédiffusion. *

 “Sasa ni miaka 23 tangu niko na huu ugonjwa. Wakati fulani, najisikiaka kuwa na huzuni. Lakini kusali, kukuwa pamoya na ndugu na dada, kukuwa na mambo mingi ya kufanya mu kazi ya Yehova njo inanisaidiaka mu ile wakati. Kusema kweli, kwa musaada wa ndugu na dada wa mu kutaniko yangu, nimeweza kuwa painia musaidizi kwa zaidi ya miaka sita. Nimejikaza kuwa mufano muzuri kwa mutoto yangu, Alessandro, mwenye sasa alishaoa na iko muzee mu kutaniko.Tena yeye na bibi yake wako mapainia wa kawaida.

 “Ninakuwaka nafikiri sana juu ya mambo yenye nitaweza kufanya mu paradiso. Jambo ya kwanza yenye nitapenda kufanya ni kuzungumuza juu ya Yehova kwa kutumia sauti yangu. Ningependa kutembea mu bustani pembeni ya muto na niko naangalia uzuri wa uumbaji. Na juu kwa zaidi ya miaka 20 nakulishwaka chakula ya majimaji kupitia kamba fulani (sonde) yenye inaingiza chakula mu mwili wangu, niko na hamu ya kukula pomme yenye nitachuma miye peke ku muti. Na juu nilizaliwa Italia, nitafurahia sana kupika na kukula chakula yenye napendaka sana ya Kiitalia na pia chakula yenye inaitwa pizza!

 “‘Tumaini la wokovu’ njo imenisaidia kulinda akili yangu. (1 Watesalonike 5:8) Kujiwazia niko mu dunia mupya inafanyaka nikuwe na furaha ijapokuwa ulemavu wangu, wenye niko hakika kama hivi karibuni hautakuwa tena. Niko nachunga kwa hamu kufurahia ‘uzima wa kwelikweli’ wenye Yehova ametuahidi kutupatia kupitia Ufalme wake.”​—1 Timoteo 6:19; Matayo 6:9, 10.