Mu 2017, Mashahidi wa Yehova 12 walianza safari kwa kutumia mashua kutoka eneo ya Mosquito (Miskito) mu inchi ya Nikaragua. Jina ya mashua yao ilikuwa Sturi Yamni. Mumoja kati ya wale Mashahidi mwenye kuitwa Stephen anasema hivi: “Kusudi yetu ilikuwa kutia moyo kikundi kidogo ya Mashahidi wenye walikuwa wanaishi mu eneo ya mbali na kuwasaidia kuhubiri habari njema katika eneo yao kubwa.”

 Wale Mashahidi 12, walitoka Pearl Langoon mwendo wa kilometre 200 mupaka Río Grande de Matagalpa. Hawakujua kama jina ya Mashua yao yenye ilimaanisha “Habari Njema” mu luga ya Miskito ingekuwa na maana ya pekee juu ya watu wenye walikuwa naishi pembeni ya ile muto. Kisha kufanya safari ya saa 12 bila kusimama mu njia, wale Mashahidi walifika kwenye walikuwa wanaenda, ni kusema, mu eneo ya La Cruz de Río Grande. Mashahidi sita wa mu ile eneo, walikaribisha kwa furaha ndugu na dada zao wa kiroho.

 Mu ile usiku, kulitokea jambo fulani ya mubaya. Upepo mukali ulitokeza mvua kubwa ku mwanzo wa Río Grande de Matagalpa. Kisha saa kidogo muto ulijaa maji na uliendelea kupanda kwa siku mbili. Jumba la Ufalme na nyumba mingi za La Cruz ziliyala maji. Wale ndugu wageni walisaidia watu wa ile muji kutosha vitu mu nyumba zao. Siku mbili yenye ilifuata, wengi walilala mu nyumba ya étage ya Shahidi moja.

 Ku siku ya tatu busiku, mukubwa wa La Cruz alienda kuona wale Mashahidi ili kuwaomba musaada. Juu Sturi Yamni njo tu ilikuwa mashua ya nguvu yenye ingetembea juu ya ile muto yenye kujaa maji mingi, ule mukubwa aliomba wale ndugu kama wanaweza kuenda kusaidia kikundi ya watu wenye walipatwa na ile musiba. Wale Mashahidi walikuwa tayari kusaidia.

 Siku yenye ilifuata asubui, Mashahidi watatu walienda na kikundi fulani ili kusaidia. Stephen anasema hivi: “Ile wakati muto ulikuwa najaa sana maji. Miti mikubwa yenye ilianguka ilikuwa napelekwa na maji, na maji ilikuwa inazunguka-zunguka mu maeneo fulani, na maji ilikuwa nashuka kwa mwendo wa kilometre zaidi ya 18 kwa saa moja.” Hata kama hali ilikuwa nguvu, ile mashua ilifika mu maeneo tatu ili kusaidia watu.

 Wale Mashahidi watatu walitumia ile nafasi ili kutia moyo wakaaji wa ile maeneo. Wale Mashahidi waliwapatia pia kopi za Amuka! ya mwaka wa 2017 yenye kichwa “Wakati Musiba Unatokea​—Hatua Zenye Zinaweza Kuokoa Uzima.”

 Watu wa mu ile maeneo walifurahia sana musaada wa kimwili na wa kiroho wenye wale Mashahidi waliwatolea. Wakaaji fulani walisema hivi: “Wako tayari kusaidia mu wakati wa magumu.“ Wengine walisema hivi: “Wanapendaka kabisa majirani wao.” Kisha kuona namna Mashahidi walijitolea ili kusaidia waabudu wenzao na watu wengine, wakaaji wengi walikuwa tayari kusikiliza ujumbe wa Biblia wenye kufariji.