Yesus diměnta su dunia gunang měgělị pěbawiahe su taumata tawe nasukụ. Maning i sie nate, i sie tawe nikawatạu dunia ini, ual᷊ingu i sie tatapẹ̌ masatia si Yehuwa. Yehuwa lai masatia su Ahuse, kụ saụ napakawiahẹ̌ si sie. Sarang pěngěnsuengu pěbawiahe, Yesus dingangu kasasanạu naunge nẹ̌tangkiang taumata wal᷊inẹ kụ něgělị ampung su tempong i sire někoạ sal᷊a. Su apang seng saụ nipěbiahẹ̌, Yesus nẹ̌sombang dingangu manga murite. I sie něněntiro si sire carane měkoạ hal᷊ẹ̌ penting seng nighělịe si sire. Mạeng i kau piạ anạ, tul᷊ungko i sie makaěna orasẹ̌ ini i kitẹ lai nighělịkangu tugasẹ̌ mẹ̌sul᷊ung.