Tau Sahani su abad humotong němahiạ habarẹ̌ Kararatuangu Mawu sarang tampạ marau. Yesus něngahạ su apa i sire harusẹ̌ měmahia habarẹ̌ ene, dingangu někoạ si sire botonge měněntiro taumata měpakẹ werang tau ene. Yehuwa někoạ si sire tatapẹ̌ bahani dingangu matoghasẹ̌ maning sěbạe tẹ̌tingkaitang.

Yesus něgělị si Rasul Yohanes penglihatan soal u kawawantugi Yehuwa. Su penglihatan wal᷊inẹ, i sie nakasilo Kararatuang su sorga němatạ Setang dingangu napakaědo pěmamarentane. I Yohanes nakasilo i Yesus nakoạ Datu dingangu 144.000 taumata apang nẹ̌parenta dingangi Yesus. I sie lai nakasilo dunia nakoạ firdaus kụ kěbị taumata nasěmbaụ měnẹ̌němbah si Yehuwa dingangu pẹ̌darame.