Pẹ̌doa kụ pěkoạ persiapan pakapia. Pẹ̌doạe tadeạu i kau fokus su habarẹ̌ bẹ̌bawaěngu, bal᷊inẹ su watangengu. Pakal᷊ahẹ su tiněnanu topik sude sarung habarengu. Pẹ̌pakẹ baweranu hala, abe kětạeng mẹ̌sěbạ bawera kạbawohẹ su bukẹ̌.

Pẹ̌bisara bọu naung. Pẹ̌tiněna kawe nụe i sire harusẹ̌ dumaringihẹ̌ habarẹ̌ ene. Pẹ̌tiněna soal i sire. Mạeng měkoạ ene, badangu, kakanoạ, dingangu gatinu sarung makal᷊ahẹ i kau makěndagẹ̌ dingangu mapulu mědal᷊ahapị dingangi sire.

Pěmanda si sire. Diagạ kontak mata mạeng ene tawe makakoạ si sire tersinggung. Su tempong měnasẹ̌, pěmanda hadirin sěngkatau-sěngkatau, kụ kumbahang měmanda hadirin sěngkapanda.