Pẹ̌tiněna kata kunci. Bọu mẹ̌basa ayatẹ̌, pěmanda bawera piạ sěmpụe dingangu pokok utama. Carane měkoạ ene ute saụ maul᷊ị bawera ene arau měgělị kakiwal᷊o makakoạ si sie makasingkạ kata-kata kunci.

Pakal᷊ahẹ pokok utama. Mạeng i kau měngahạ sarang ayatẹ̌ kụ piạ alasang mal᷊ahẹ gunang mẹ̌basa ayatẹ̌ ene, lahẹko sěmpụu kata kunci su ayatẹ̌ ene dingangu alasang ene.

Koạ penerapan ayatẹ̌ gampang kaěnang. Abe mẹ̌sěbạ hal᷊ẹ̌ dararodọ kụ tawe makal᷊ahẹ pokok utama. Tumuhụ apa seng nikasingkạ i sire soal u topik ene, pẹ̌tiněna pira kal᷊awọe keterangan harusẹ̌ habarengu tadeạu penerapan ayatẹ̌ ene mal᷊ahẹ dingangu gampang kaěnang.