Deạ kụ pakẹ bahan kapěngimangeng. Apa lahẹkangu dasare harusẹ̌ bọu Alkitapẹ̌, mạeng botonge apidu pẹ̌basa bọu Alkitapẹ̌. Mạeng i kau měpakẹ bukti ilmiah, laporan berita, sěmbaụ pengalaman, arau barang bal᷊inẹ, parikěsa kal᷊imona apa ene kapěngimangeng dingangu kawuhuange.

Pakahino měpakẹ bahan. Pakẹ ayatẹ̌ nẹ̌tatahino dingangu konteks ayatẹ̌ ene, kěbị těntirong Alkitapẹ̌, lai publikasi bọu ”ělang masatia dingangu matahuěna”. (Mat. 24:45) Mạeng měpakẹ bahan bal᷊inẹ bọu Alkitapẹ̌, ene harusẹ̌ nẹ̌tatahino dingangu konteks kụ abe měmal᷊ui apa mangal᷊ene bawerang měmamohẹe.

Pẹ̌bawěke tuhụ bukti. Bọu mẹ̌basa ayatẹ̌ arau mẹ̌sěbạ sěmbaụ bahan, pakatahuěna měgělị kakiwal᷊o arau mělahẹ tadeạu i sie makaěna.