Pile sasihing gampang kaěnang. Kere i Yesus, pakẹ barang gampang kaěnang gunang mělahẹ barang masigěsạ kaěnang. Abe tamba perincian tawe perlu kụ makakoạ sasihing masigěsạ kaěnang. Perincian su sasihing harusẹ̌ nẹ̌tatahino dingangu apa sarung těntirong tadeạu i sire tawe mẹ̌bingọ.

Turusẹ̌ pẹ̌tiněna soal u taumata tẹ̌těntirongu. Pile sasihing mapaelẹ̌ dingangu seng nikasingkateng i sire. Abe měpakẹ sasihing makamea arau makakadodọ naung i sire.

Těntiroi pokok utama. Fokus su pokok utama bọu sasihing ene, bal᷊inẹ su perincian tawe perlu. Tul᷊ung i sire mẹ̌tahěndung bal᷊inẹ kětạeng sasihing ene, katewe lai pokok utama bọu těntironu.