”I kamene harusẹ̌ makoạ guru.” (Ibr. 5:12) Pẹ̌tiněna! Yehuwa—Guru kapaelange su alam semesta, něgausẹ̌ si kitẹ gunang měněntiro taumata wal᷊inẹ soal i Sie! Haghing tugasẹ̌ měněntiro katěngadẹ̌ soal i Yehuwa su keluarga, su sidang, arau su dinas lapangan, ene kai hak istimewa maarěga dingangu tanggung jawab gěguwạ. Kerea tadeạu i kitẹ botonge makakoạ ene?

Sasimbahe piạ su bawerang rasul Paulus si Timotius, ”Turusẹ̌e latih watangengu su hal᷊ẹ̌ mẹ̌basa su těngong lawọ, měgělị sasasa, dingangu měněntiro. Mạeng měkoạ ini i kau sarung makasal᷊amatẹ̌ watangengu dingangu taumata apang dụdaringihẹ̌ si kau.” (1 Tim. 4:13, 16) Si kau piạ habarẹ̌ makasal᷊amatẹ̌ gunang pahiakeng. Hakị u ene penting melatih watangengu gunang mẹ̌basa dingangu měněntiro. Brosur ini makatul᷊ung si kau. Pẹ̌tiněna piram baụ bageang ini.

Yehuwa kai ”Měnaněntiro Mawantugẹ̌”. (Yes. 30:20) Brosur ini makatul᷊ung si kau limembong mapaelẹ̌ mẹ̌basa dingangu měněntiro. Katewe, abe kiwul᷊ei i Yehuwa kai Simbul᷊u habarẹ̌ bẹ̌bawaěng i kitẹ, kụ i Sie měmol᷊eng taumata. (Yoh. 6:44) Hakị u ene, pakasau mẹ̌doa mẹ̌dorong rohkẹ̌ masusi. Pakasau měpakẹ Hengetangu Mawu. Pakawantugẹ̌ Yehuwa bal᷊inẹ watangengu. Pẹ̌tawakal᷊i mẹ̌tul᷊ung taumata wal᷊inẹ tadeạu kahěngang-hěngang kuměndagẹ̌ si Yehuwa.

I kau seng nighělịkangu tugasẹ̌ gunang mẹ̌bawa habarẹ̌ sěbạe penting. I kami mangimang, dingangu ”katatoghasẹ̌ bọu Mawu”, i kau sarung makakoạ hal᷊ẹ̌ ene.​—1 Ptr. 4:11.

Hapị sěngkapěněntiro,

Badan Pimpinan Sahiding Yehuwa