Apa i kau bọu gụgěnggang soal u hal᷊ẹ̌ arau roitẹ̌? I kau aramanung masigěsạ seimbang soal u měnadia kebutuhan dingangu měngibadah si Yehuwa. Alkitapẹ̌ něgělị sasasa mapaelẹ̌ botonge makatul᷊ung si kitẹ.

1. Apa niul᷊ịu Alkitapẹ̌ soal u hal᷊ẹ̌?

Mawu mapulu i kitẹ mal᷊uasẹ̌ měhal᷊ẹ̌. Alkitapẹ̌ naul᷊ị, ”Kapaelange su taumata ene kai . . . makatemang hasilu hal᷊ẹ̌e.” (Pengkhotbah 2:​24) Yehuwa něhal᷊ẹ̌ masěghadẹ̌. Mạeng i kitẹ mẹ̌těno si Sie kụ marading měhal᷊ẹ̌, i kitẹ makal᷊uasẹ̌ si Sie kụ i kitẹ lai sarung piạ pěndang puas.

Hal᷊ẹ̌ ene penting. Katewe, i kitẹ tawe wotonge měmala hal᷊ẹ̌ makoạ limembong penting bọu ibadang i kitẹ si Yehuwa. (Yohanes 6:​27) I Sie nẹ̌diandi mạeng i kitẹ měngal᷊imona měkoạ kapulu-Ne, i Sie sarung měngurusẹ̌ kebutuhan jasmaning i kitẹ.

2. Apa niul᷊ịu Alkitapẹ̌ soal u roitẹ̌?

Maning Alkitapẹ̌ naul᷊ị ”doitẹ̌ makariagạ”, Alkitapẹ̌ lai něgělị laingatẹ̌ doitẹ̌ tawe makakoạ si kitẹ mal᷊uasẹ̌. (Pengkhotbah 7:​12) Hakị u ene, Alkitapẹ̌ něgělị sasasa si kitẹ gunang tawe kuměndagẹ̌ doitẹ̌ katewe ”puas dingangu apa seng piạ” si kitẹ. (Basa Ibrani 13:5.) Mạeng i kitẹ tatapẹ̌ puas dingangu apa seng piạ si kitẹ, i kitẹ mawebasẹ̌ bọu pěndang stres ual᷊ingu mapulu makaěbạ limembong mal᷊awọ. I kitẹ lai tawe měngutang. (Amsal 22:7) Kụ i kitẹ mawebasẹ̌ bọu bahaya judi lai bahaya mědeạ doitẹ̌ dingangu cara masahawụ.

3. Kerea i kitẹ botonge měnodẹ kal᷊aělugẹ̌ dingangu doiti kitẹ?

Yehuwa kai Mawu maělugẹ̌, kụ i kitẹ nẹ̌těno si Sie mạeng i kitẹ ”maělugẹ̌, dingangu puluang mẹ̌papahiạ”. (1 Timotius 6:​18) I kitẹ botonge měpakẹ doiti kitẹ gunang mẹ̌tul᷊ung sidang dingangu mẹ̌tul᷊ung taumata apang membutuhkan tul᷊umang, kahumotongange anạu sěmbaụ i kitẹ. Yehuwa měmẹ̌manda, bal᷊inẹ pira kal᷊awọe gělịkang i kitẹ, katewe alasang i kitẹ měgělị ene. Mạeng i kitẹ měgělị bọu naung, i kitẹ sarung mal᷊uasẹ̌ kụ i kitẹ lai sarung makal᷊uasẹ̌ si Yehuwa.​—Basa Kisah 20:35.

 BANGKA PAKARAL᷊UNG

4. Pěngadatẹ̌ si Yehuwa bọu cara i kau měhal᷊ẹ̌

 5. Piạ pěndang puas ene piạ gunane si kitẹ

Lawọ taumata mětẹ̌tawakal᷊i gunang makaěbạ lawọ doitẹ̌. Katewe, Alkitapẹ̌ němahangsang si kitẹ gunang měkoạ hal᷊ẹ̌ nẹ̌tatěntang. Basa 1 Timotius 6:​6-8, bọu ene bisarai kakiwal᷊o ini:

• Alkitapẹ̌ němahangsang si kitẹ gunang měkoạ apa?

6. Yehuwa sarung měnukụ kebutuhan i kitẹ

 RINGKASAN

Hal᷊ẹ̌ dingangu roitẹ̌ ene kebutuhan, katewe abe sarang ene makasahaghe ibadanu si Yehuwa.

Apa seng nikaěndungangu?

• Apa wotonge makatul᷊ung si kau tatapẹ̌ seimbang soal u hal᷊ẹ̌?

• Kerea pěndang puas piạ gunane si kau?

• Kerea i kau botonge měnodẹ pangangimang su dianding Yehuwa gunang měnukụ kebutuhan manga ělang’E?