Mal᷊ighạ arau marěngụ, kěbị tau Kristen sarung darihang. Apa ene makakoạ si kitẹ matakụ?

1. Kawe nụe i kitẹ sarung darihang?

Alkitapẹ̌ mal᷊ahẹ naul᷊ị, ”Kěbị apang mapulu mẹ̌tahamawu su Mawu dingangu nakoạ tumatol᷊eng Kristus Yesus lai sarung darihang.” (2 Timotius 3:​12) Yesus nirarihang ual᷊ingu i sie bal᷊inẹ bageang bọu duniang Setang. I kitẹ lai bal᷊inẹ bageang bọu dunia, hakị u ene i kitẹ tawe huměkosẹ̌ mạeng i kitẹ darihangu pěměrenta arau manga organisasing agama.​—Yohanes 15:​18, 19.

2. Kerea tadeạu i kitẹ sadia su tempong darihang?

I kitẹ harusẹ̌ měnoghasẹ̌ pangangimang i kitẹ si Yehuwa měnětạ orasẹ̌ ini. Pěnadiạe tempo sabang ěllo gunang mẹ̌doa si Sie lai mẹ̌basa Hengetang’E. Pakaradingke duměnta su pěngangibadang. Manga hal᷊ẹ̌ ene sarung makakoạ si kau bahani su tempong dẹ̌darihang, maning něndariha si kau ene kai anggota keluarga. Rasul Paulus masau dẹ̌darihang. I sie němohẹ, ”Yehuwa kai mẹ̌tatul᷊ung si siạ; iạ tawe matakụ.”​—Ibrani 13:6.

I kitẹ lai botonge makoạ limembong bahani mạeng masau měnginjilẹ̌. Su tempong měnginjilẹ̌, i kitẹ něngěndung gunang mangimang si Yehuwa lai lumawang pěndang matakụ su taumata. (Amsal 29:25) Mạeng i kau mẹ̌tawakal᷊i tadeạu bahani měnginjilẹ̌ orasẹ̌ ini, i kau sarung limembong sadia měnginjilẹ̌ maning pěměrenta mẹ̌sěding hal᷊ẹ̌ i kitẹ.​—1 Tesalonika 2:2.

3. Apa gunane mạeng i kitẹ tatapẹ̌ masatia su tempong dẹ̌darihang?

Tantu i kitẹ tawe mal᷊uasẹ̌ su tempong darihang, katewe mạeng tatapẹ̌ masatia, pangangimang i kitẹ sarung makoạ matoghasẹ̌. I kitẹ lai sarung limembong marani dingangi Yehuwa ual᷊ingu nakapěndang tul᷊umang’E su tempong i kitẹ seng nělome. (Basa Yakobus 1:​2-4.) Yehuwa masusah naung su tempong nakasilo i kitẹ nasigěsạ, katewe i Sie mal᷊uasẹ̌ mạeng i kitẹ tatapẹ̌ mẹ̌tatahang. Alkitapẹ̌ naul᷊ị, ”Mạeng i kamene menanggung kasasigěsạ ual᷊ingu někoạ barang mapia, Mawu mal᷊uasẹ̌ si kamene.” (1 Petrus 2:​20) Mạeng i kitẹ tatapẹ̌ masatia, Yehuwa sarung měgělị si kitẹ pěbawiahẹ̌ kěkalẹ̌ su dunia wuhu. Kěbị apang mẹ̌tanạ sene sarung mẹ̌tahamawu si Yehuwa, kụ seng tawẹ apa měndariha si sire.​—Matius 24:13.

 BANGKA PAKARAL᷊UNG

4. I kau botonge tatapẹ̌ masatia maning dẹ̌darihangu keluarga

Yesus masingkạ kěluargang i kitẹ aramanung tawe setuju dingangu putusang i kitẹ gunang mẹ̌tahamawu si Yehuwa. Basa Matius 10:​34-​36, bọu ene bisarai kakiwal᷊o ini:

• Apa sarung mariadi mạeng sěngkatau anggota keluarga měmutusẹ̌ gunang mẹ̌tahamawu si Yehuwa?

5. Turusẹ̌e pẹ̌tahamawu si Yehuwa maning dẹ̌darihang

 6. Yehuwa sarung mẹ̌tul᷊ung si kau mẹ̌tatahang

 RINGKASAN

Yehuwa měngẹ̌ngarěga tawakal᷊ing i kitẹ gunang mẹ̌tahamawu si Sie maning dẹ̌darihang. Dingangu tul᷊umang’E, i kitẹ botonge tatapẹ̌ masatia.

Apa seng nikaěndungangu?

• Kawe nụe tau Kristen dẹ̌darihang?

• Apa wotonge koatengu orasẹ̌ ini tadeạu sadia su tempong darihang?

• Apa makatul᷊ung si kau mangimang i kau botonge mẹ̌tahamawu si Yehuwa maning piạ lawọ sasal᷊ukạ?