PĚNGANGĚNDUNGANG 7
Apa I Kau Bọu Natakụ?
Kěnang pandai anạ su gambarẹ̌ ini. I sie kětạeng sẹ̌sane, kụ i sie matakụ. Kahěngang ene? Apa i kau lai bọu natakụ?
Elia nẹ̌tanạ su Israel, su tempong i Yesus bědang tawe nalahirẹ̌. Su tempo ene, i Ahab nakoạ datu su Israel. I sie tawe měngẹ̌ngibadah si Yehuwa. I Ahab dingangu kawinge, Izebel, měngibadah su Baal. Hakị u ene, lawọ tau Israel lai měngibadah su Baal. Ratu Izebel dal᷊aị sipate, kụ i sie mapulu měmate kěbị apang měngẹ̌ngibadah si Yehuwa. I sie lai mapulu měmate si Elia! I kau masingkạ apa nikoạ i Elia?
I Elia timal᷊ang sarang padang gurun, kụ i sie nẹ̌kěmbuni su goa. I kau masingkạ, kawe i sie nẹ̌kěmbuni?
Su tempong i Elia su ral᷊ungu goa, i Yehuwa nẹ̌kiwal᷊o si Elia: ’Apa kẹ̌koatengu sini?’ I Elia simimbahẹ̌: ’Kětạeng iạ nal᷊ěmbe měngibadah si kau. Iạ kětạeng sẹ̌saku, kụ iạ matakụ iạ kai pateng.’ I Elia nẹ̌pikirẹ̌, kěbị taumata měngibadah si Yehuwa seng nipate. Katewe, i Yehuwa nẹ̌bera si Elia: ’Tala, bědang piạ 7.000 taumata měngibadah si siạ. Abe katakụ. Bědang piạ lawọ hal᷊ẹ̌ harusẹ̌ koatengu!’ Mạeng si kau kerea, apa i Elia mal᷊uasẹ̌ nakaringihẹ̌ ene?
Bọu nẹ̌basa běke ini, apa botonge koatengu?
BASA SU ALKITAPẸ̌
-
1 Manga Ratu 19:3-18