KAWE NỤE PENTING: Kěbị publikasi su Alat Bantu Pengajaran i kitẹ ene měngahạ sarang jw.org. Sěběnarẹ̌e, kartu kontak dingangu risalah Mạeng i kitẹ piạ kakiwal᷊ong pěbawiahẹ̌, su apa makaěbạ sasimbahe? nikoạ gunang měngahạ taumata sarang situs web i kitẹ. I kau botonge měgělị publikasi bọu Alat Bantu Pengajaran i kitẹ kụ měpakẹ jw.org gunang měndoho bawasang bentuk elektronik bọu e-mail arau měgělị link. Ini mal᷊awọ gunane mạeng i kitẹ mẹ̌sombangu taumata apang měpẹ̌pakẹ bawera wal᷊inẹ. Katewe, publikasi su Alat Bantu Pengajaran i kitẹ aramanung tawe makasimbahẹ̌ kěbị kakiwal᷊o su tempong měnginjilẹ̌. Hakị u ene, i kitẹ harusẹ̌ matahuěna měpakẹ jw.org.

KEREA CARANE:

• Pakẹ bageang ”AJARAN ALKITAB”. Mạeng i kau měnginjilẹ̌ su sěngkatau matimadẹ̌, kụ i sie mẹ̌kiwal᷊o soal u cara měněntiro anạ, bukạe AJARAN ALKITAB > SUAMI ISTRI & ORANG TUA.

• Pakẹ bageang ”PUBLIKASI”. Mạeng i kau měgělị kesaksian tawe resmi su sikol᷊ah kụ mapulu měgělị brosur Jawaban atas 10 Pertanyaan Anak Muda su hapịu, bukạe PUBLIKASI > BUKU & BROSUR.

• Pakẹ bageang ”MENGENAI KAMI”. Mạeng i kau měnginjilẹ̌ su hapị su pělahal᷊ẹ̌kang kụ i sie mapulu makaěbạ penjelasan manibụ soal u pangangimang i kitẹ, bukạe MENGENAI KAMI > PERTANYAAN UMUM.

PẸ̌BIALA VIDEO MENGUASAI PENGGUNAAN JW.ORG, BỌU ENE PẸ̌TINĚNA BAGEANG SUDE SU JW.ORG BOTONGE PAKETANGU SU TEMPONG MẸ̌TUL᷊UNG:

• tau ateis

• taumata buhudeng nikahombangengu silakạ

• anạu sěmbaụ apang tawe aktif

• taumata apang saụ nitiwong kụ měkẹ̌kiwal᷊o bọu apa asal᷊u dana gunang hal᷊ẹ̌ i kitẹ

• taumata bọu negeri wal᷊inẹ kụ mapulu měngibadah su tampạe