Su ral᷊ungu penjara Paulus dingangi Silas nẹ̌dalo Mawu dingangu kakantarị. (MMR 16:25) Su tempong Nazi Jerman, anạu sěmbaụ nẹ̌kantarị kakantarị u Kararatuang su kamp konsentrasi Sachsenhausen dingangu su tempong i sire su Siberia. Manga contoh ene něnodẹ kakantarị botonge makatoghasẹ̌ tau Sahani mạeng tumatěngo sasal᷊ukạ.

Bukẹ̌ kakantarị wuhu tatěmbọe ’Bernyanyilah dengan Gembira’ bagi Yehuwa sarung sadiang su lawọ bawera. Mạeng seng nakatarimạ, i kitẹ botonge měngěndung kakantarị ene su ibadat keluarga tadeạu bawerane maresọ su naung. (Ef 5:19) Su tempong makahombang sasal᷊ukạ rohkẹ̌ masusi sarung mẹ̌tul᷊ung tadeạu i kitẹ makatahěndung. Kakantarị u Kararatuang makatul᷊ung si kitẹ gunang turusẹ̌ mẹ̌tiněna pělaharapẹ̌. Ene makatoghasẹ̌ si kitẹ su tempong piạ sasal᷊ukạ. Bawerane makasěmangatẹ̌ hakị u ene i kitẹ botonge ’mẹ̌kantarị dingangu karal᷊uasẹ̌’ ual᷊ingu naung i kitẹ mal᷊uasẹ̌. (1Kar 15:16; Mzm 33:1-3) Hakị u ene, pakẹko pakapia kakantarị u Kararatuang i kitẹ!

PẸ̌BIALA VIDEO LAGU YANG MENGUATKAN PARA PEKERJA PAKSA, BỌU ENE SIMBAHE KAKIWAL᷊O INI:

• Apa nakakoạ si Saudara Frost někoạ sěmbaụ kakantarị?

• Kerea kakantarị ene nakatoghasẹ̌ anạu sěmbaụ su kamp konsentrasi Sachsenhausen?

• Su pěbawiahẹ̌ ěllo-ěllo, su tempo kere apa kakantarị u Kararatuang botonge makatoghasẹ̌ si kau?

• Kakantarị u Kararatuang sude mapulu tahěndungangu?