Měnarimạ si sai? Kěbị apang diměnta su pěngangibadang i kitẹ, apang buhudeng diměnta arau manga hapị i kitẹ. (Rm 15:7; Ibr 13:2) I sire ěndịu anạu sěmbaụ bọu luar negeri arau penyiar seng pira taung tawe riměnta. Kerea pěndangu mạeng i kau makoạ kere i sire? Apa i kau mal᷊uasẹ̌ ual᷊ingu i sire mahimumu měnarimạ si kau? Tantu. (Mat 7:12) Hakị u ene, i kitẹ mẹ̌tawakal᷊i měnarimạ si sire apang simongo su Banalang Kararatuang su tempong maraning měnětạ arau nasueng ibadane. Ini botonge makakoạ piạ pẹ̌darame dingangu karal᷊uasẹ̌ kụ makawantugẹ̌ si Yehuwa. (Mat 5:16) Tantu i kitẹ tawe makapẹ̌bisara dingangu kěbị apang diměnta. Mạeng i kitẹ měkoạ ene, kěbị apang diměnta sarung mal᷊uasẹ̌. *

Tantu i kitẹ mapulu mahimumu měnarimạ apang diměnta bal᷊inẹ kětạeng su tempong Pẹ̌tatahěndungang Papateng i Yesus. Su tempong taumata buhudeng diměnta nakasilo arau nakapěndang kakěndagi kitẹ, i sire sarung mẹ̌dalo Mawu kụ měngibadah dingangi kitẹ.—Yoh 13:35.