PĚBAWIAHẸ̌ SAHANI
Měhabarẹ̌ dingangu Měněntiro—Penting gunang Měkoạ Muritẹ̌
Yesus něngoro manga murite gunang pěmpahundal᷊eng kụ pěkoạ muritẹ̌. (Mat 28:19) Ini mangal᷊ene i kitẹ harusẹ̌ měhabarẹ̌ dingangu měněntiro. Hakị u ene bọu tempo sarang tempo, i kitẹ harusẹ̌ mẹ̌kiwal᷊o su watangeng, ’Kerea tadeạu iạ limembong mapaelẹ̌ měhabarẹ̌ dingangu měněntiro?’
MĚHABARẸ̌
Sul᷊ungu měngampal᷊ẹ̌ taumata duměnta si kitẹ, i kitẹ harusẹ̌ mẹ̌deạ apang ”mapulu měnarimạ”. (Mat 10:11) Su tempong měnginjilẹ̌, apa i kitẹ mědẹ̌deạ kesempatan gunang mẹ̌bisara ”ringangu apạeweng taumata sene”? (MMR 17:17) I Lidia nakoạ muritẹ̌ ual᷊ingu i rasul Paulus marading měnginjilẹ̌.—MMR 16:13-15.
’Sawuhẹ̌ko winenu e su tempong mal᷊ukadẹ̌ dingangu kumbahangbe měngirul᷊e su tempong hěbi’ (Měn 11:6)
PẸ̌BIALA VIDEO TERUS MENGABAR ”TANPA HENTI”—SECARA TIDAK RESMI DAN DARI RUMAH KE RUMAH, BỌU ENE SIMBAHE MANGA KAKIWAL᷊O INI:
-
Su pěbawiahe ěllo-ěllo, kerea i Samuel marading měnawuhẹ̌ bibitu těntiro nihino?
-
Kawe nụe i kitẹ harusẹ̌ marading měkoạ haghing cara měnginjilẹ̌?
-
Aramanung si sai i kau botonge měmahiạ habaru Kararatuang su pěbawiahu ěllo-ěllo?
MĚNĚNTIRO
Gunang měkoạ muritẹ̌, i kitẹ tawe kětạeng měgělị bukẹ̌ bawasaěng si sire. Tadeạu i sire měkoạ kemajuan rohani, i kitẹ harusẹ̌ turusẹ̌ mẹ̌tiwo dingangu měngěndung Alkitapẹ̌ dingangi sire. (1Kor 3:6-9) Katewe, apa koateng i kitẹ mạeng hasile kětạeng kadodọ, sěmbal᷊ia i kitẹ seng marading měněntiro soal u Kararatuang si sire? (Mat 13:19-22) I kitẹ harusẹ̌ turusẹ̌ mědeạ taumata apang naunge kere ”ěntana mapia”.—Mat 13:23; MMR 13:48.
’Iạ e mẹ̌sasuange ringangu i Apolos měnaněbohe, arawe Mawu Ruata sẹ̌sane e mapạtuwong sasuange’ (1Kor 3:6)
PẸ̌BIALA VIDEO TERUS MENGABAR ”TANPA HENTI”—DI TEMPAT UMUM DAN MEMBUAT MURID, BỌU ENE SIMBAHE MANGA KAKIWAL᷊O INI:
-
Kerea i Solomon dingangi Mary něněbohẹ̌ bibitu těntiro nihino su naung i Ezekiel dingangi Abigail?
-
Su tempong měnginjilẹ̌ měpakẹ haghing cara, dingangu měnginjilẹ̌ su tampạ lawọ taumata, apa timonang i kitẹ?
-
Ual᷊ingu timonang i kitẹ kai měněntiro Alkitapẹ̌, apa koateng i kitẹ mạeng taumata tawe měngarěgạ těntirong Alkitapẹ̌?
