Měnětạ taung ini, i kitẹ piạ limembong lawọ tempo mẹ̌sasadia gunang acara Pẹ̌tatahěndungang papateng Kristus. Mạeng ěllong Pẹ̌tatahěndungang ěndịu nahino su wělạu Mandakẹ̌ dingangu Sambaiang, Pěngangibadang Pelayanan dingangu Pěbawiahẹ̌ Sahani tawe koateng. Mạeng ene nahino su Kaehẹ̌ arau Misa, nasẹ̌ dingangu pěngangěndungang Měhabarẹ̌ tawe koateng. Apa anạu sěmbaụ měpẹ̌pakẹ pakapia tempo ene? Kere su abad humotong, piạ lawọ pengaturan harusẹ̌ koateng gunang acara sěbạe penting ini. (Luk 22:7-13; km-IN 3/15 1) Katewe, piạ lai harusẹ̌ sadiang i kitẹ tadeạu botonge makaěbạ gunane bọu acara ini. Apa botonge koateng i kitẹ?

• Pẹ̌tiněnạe kawe nụe penting gunang duměnta su acara ene.​—1Kor 11:23-26

• Parikěsa pẹ̌dal᷊ahapịu dingangi Yehuwa, kụ pẹ̌doa gunang ene.​—1Kor 11:27-29; 2Kor 13:5

• Basa dingangu pẹ̌tiněna manga ayatẹ̌ dingangu bawasang nělahẹ soal u acara Pẹ̌tatahěndungang.​—Yoh 3:16; 15:13

Piạ u nẹ̌basa dingangu nẹ̌tiněna pẹ̌bawasang Alkitapẹ̌ gunang Pẹ̌tatahěndungang su bukẹ̌ Menyelidiki Kitab Suci Setiap Hari. Piạ lai timol᷊e nẹ̌basa manga ayatẹ̌ su tabel bawah ini. Sěnggạe wue saụ nẹ̌basa artikel Měhabarẹ̌ nělahẹ soal u Pẹ̌tatahěndungang dingangu kakěndagi Yehuwa lai Yesus si kitẹ. Maning bahan apa nipilenu, karimạko i kau sauneng kakạranine dingangi Yehuwa lai Ahuse.