Yehuwa tawe měmamile taumata. (Rarolohang 10:34, 35) I Sie měnarimạ taumata ”wọu patikụ umatẹ̌, hěnto wangsa arau wera”. (Pělal᷊ahẹ 7:9) Hakị u ene, tawe wotonge piạ prasangka dingangu sipatẹ̌ měmile taumata su ral᷊ungu sidang tau Sahani. (Yakobus 2:1-4) Ual᷊ingu Yehuwa seng něněntiro si kitẹ, i kitẹ nakapěndang firdaus rohani kụ taumatane seng němal᷊ui sipatẹ̌ i sire. (Yesaya 11:6-9) Mạeng i kitẹ mẹ̌tawakal᷊i měnděmẹ prasangka bọu dal᷊ung u naung i kitẹ, ene nělahẹ i kitẹ kai nẹ̌těno su Mawu.—Efesus 5:1, 2.

• Kawe nụe těntirong Yehuwa kai kapaelange bọu kěbị apa seng nikoạ u taumata gunang mapakailang prasangka dingangu sipatẹ̌ měmẹ̌mile taumata?

• Kerea persaudaraan internasional nakal᷊uasẹ̌ Anạu sěmbaụ?

• Kerea Yehuwa rẹ̌dalong mạeng i kitẹ měndiagạ pẹ̌darame su taloarang i kitẹ?