KAWE NỤE PENTING: Taumata harusẹ̌ měngěndung dal᷊eng i Yehuwa bọu ene pěbal᷊ui tadeạu ibadane tarimạkeng. (Yesaya 2:3, 4) Bukẹ̌ ”Kasih Allah” kai bukẹ̌ karuane paketang su pěngangěndungang Alkitapẹ̌, gunang mẹ̌tul᷊ung apang něngěndung tadeạu makasingkạ kerea prinsip u Alkitapẹ̌ makatul᷊ung su pěbawiahe ěllo-ěllo. (Ibrani 5:14) Su tempong i kitẹ měněntiro, i kitẹ harusẹ̌ makakanoạ naunge tadeạu i sie mapulu mẹ̌bal᷊ui.—Roma 6:17.

KEREA CARANE:

• Sadia pakapia apa ěndungang apidu pẹ̌tahěndung su bageang sude i sie bědang kurang. Pěpakẹ kakiwal᷊o sudut pandang tadeạu i kau makasingkạ kerea pěndange su apa seng niěndungang.—Baweran Salomo 20:5; be-IN 259

• Pakẹ kotak su bukẹ̌ ini gunang mẹ̌tul᷊ung apang něngěndung tadeạu i sie makasilo kawe nụe penting tumol᷊e prinsip Alkitapẹ̌

• Tul᷊ungko i sie mẹ̌tiněna kerea měkoạ putusang tumol᷊e hati nurani su tempong tawẹ apa hukung kạbawohẹ. Katewe abe pěkoạ putusang gunang i sie. Galatia 6:5

• Pakapelesa měmanda mạeng apang něngěndung harusẹ̌ sumbalang gunang tumol᷊e piram baụ prinsip u Alkitapẹ̌. Pakapia měmahansang si sie tadeạu mẹ̌bal᷊ui ual᷊ingu i sie makěndagẹ̌ si Yehuwa.—Baweran Salomo 27:11; Yohanes 14:31