KAWE NỤE PENTING: Yehuwa mapakatuwo bibitu katěngadẹ̌ su naungu taumata apang ”piạ kapulu nihino gunang makaěbạ pěbawiahẹ̌ kěkalẹ̌”. (Kis 13:48; 1Kor 3:7) Hakị u ene, i kitẹ harusẹ̌ sěngkapěhal᷊ẹ̌ dingangi Yehuwa kụ mẹ̌tawakal᷊i mẹ̌tul᷊ung taumata tadeạu měkoạ apa seng niěndungang i sire. (1Kor 9:26) Měngangěndung Alkitapẹ̌ harusẹ̌ makaěna sahaniang ene penting tadeạu masal᷊amatẹ̌. (1Ptr 3:21) I kitẹ mẹ̌tul᷊ung si sire tadeạu makoạ muritẹ̌, carane ute měněntiro si sire gunang měkoạ pẹ̌bawal᷊ui su pěbawiahẹ̌, měnginjilẹ̌ dingangu měněntiro, lai mẹ̌diandi měgělị pěbawiahi sire si Yehuwa.​—Mat 28:19, 20.

KEREA CARANE:

• Koạ měngangěndung Alkitapẹ̌ mẹ̌tahěndung timonang i sire měngěndung ute gunang ”makasingkạ” si Yehuwa dingangu makal᷊uasẹ̌ naung’E.​—Yoh 17:3

• Tul᷊ungko i sire měkoạ kemajuan rohani carane ute tumatěngo barang makasahaghe, kere kebiasaan dal᷊akị dingangu pẹ̌dal᷊ahapị dal᷊akị

• Toghase dingangu bahansang i sire těntal᷊ang bědang tawe nisahani dingangu seng bọu nisahani.​—Kis 14:22

PẸ̌BIALA VIDEO YEHUWA AKAN MENOLONGMU KỤ SIMBAHE MANGA KAKIWAL᷊O INI:

• Aramanung apa makakoạ taumata matakụ měgělị watangenge si Yehuwa dingangu sahaniang?

• Kerea manga penatua botonge mẹ̌tul᷊ung měngangěndung Alkitapẹ̌ gunang měkoạ kemajuan?

• Apa kaěndungang i kitẹ soal i Yehuwa bọu Yesaya 41:10?

• Manga sipatẹ̌ apa makatul᷊ung si kitẹ mẹ̌tahamawu dingangu makal᷊uasẹ̌ si Yehuwa, maning i kitẹ tawe nasukụ?