KAWE NỤE PENTING: Apang nilanisẹ̌ dingangu domba wal᷊inẹ něgausẹ̌ haghing taumata gunang ”měngal᷊ạ akẹ pěbawiahẹ̌ tawẹ bawaehe”. (Why 22:17) Akẹ pěbawiahẹ̌ mangal᷊ene kěbị apa nisadiang i Yehuwa gunang měnal᷊amatẹ̌ taumata bọu dosa dingangu papate. Taumata nipẹ̌sombangeng i kitẹ asal᷊e bọu haghing budaya dingangu agama. Hakị u ene, su tempong měhabarẹ̌ ”habarẹ̌ mapia kěkalẹ̌”, i kitẹ harusẹ̌ měpakẹ cara makakoạ si sire mapulu dumaringihẹ̌.​—Why 14:6.

KEREA CARANE:

• Pile topik dingangu ayatẹ̌ botonge makakanoạ naungu taumata su tampạu. I kau botonge měmile sěmbaụ Contoh Carane Mẹ̌bawěke arau měpakẹ topik bọu nipakẹu kụ ene berhasil. Pẹ̌tiněna: Topik dingangu ayatẹ̌ sude nẹ̌tatahino? Berita apa masau bẹ̌bisarangu taumata? Topik apa nẹ̌tatahino su esẹ arau wawine?

• Su tempong měnginjilẹ̌, tol᷊e atorang dingangu pěgělị adatẹ̌ kere wiasa pẹ̌paketang su tampạu.​—2Kor 6:3, 4

• Ěndunge manga bawasang dingangu video su Alat Bantu Pengajaran tadeạu i kau botonge měpakẹ ene gunang taumata apang mapulu dumaringihẹ̌

• Download bawasang dingangu video su haghing bawera pẹ̌paketang su tampạu

• Bal᷊ui topik bẹ̌bisarangu tadeạu mẹ̌tatahino dingangu kebutuhan taghuangu wal᷊e. (1Kor 9:19-23) Contone, apa sarung paul᷊ịkangu mạeng nakasingkạ taghuangu wal᷊e nikahombangengu susah ual᷊ingu papate?

PẸ̌BIALA VIDEONE, BỌU ENE SIMBAHE MANGA KAKIWAL᷊O INI:

• Topik apa humotong nipakẹu penyiar?

• Apa nariadi su pěbawiahu taghuangu wal᷊e?

• Ayatẹ̌ sude nẹ̌tatahino su situasi ene, kụ kawe nụe?

• Kerea i kau botonge menyesuaikan topik dingangu ayatẹ̌ su tempong měnginjilẹ̌?