Diadikang mělẹ̌habarẹ̌ kawawantugẹ̌ i Yehuwa. (Mzm 19:1-4; 139:14) Katewe, duniang Setang měgělị těntiro mělẹ̌hinakang Mawu soal u tětạu pěbawiahẹ̌. (Rm 1:18-25) Kere apa i kau botonge měndiagạ tadeạu těntiro ini tawe masuang su ral᷊ungu naung dingangu tiněnang manga anạu? Tul᷊ungko i sire dongkeng kadodọ tadeạu mangimang Yehuwa kahěngang-hěngang ene dingangu makěndagẹ̌ si sire pẹ̌sěngkatau. (2Kor 10:4, 5; Ef 6:16) I kamene harusẹ̌ masingkạ kerea pěndangu anạ i kamene soal u apa niěndungange su sikolah, dingangu pakẹko apa seng nisadiang organisasi gunang měmahansang si sire.—Baw 20:5; Yak 1:19.

PẸ̌BIALA VIDEO KATA TEMAN-TEMANMU—BUKTI ADANYA ALLAH, BỌU ENE BISARAI KAKIWAL᷊O INI:

• Apa lẹ̌ul᷊ikang taumata lawọ soal u Mawu?

• Apa tẹ̌těntirong su sikol᷊ah?

• Kawe nụe i kau mangimang i Yehuwa kahěngang-hěngang ene?

• Kerea i kau botonge mẹ̌tul᷊ung taumata wal᷊inẹ tadeạu makasingkạ kai Mawu něndiadi kěbị haghi?