Su tempong i Yesus su dunia, i sie saụ nělahẹ parenta, ’pěngadatẹ̌ si amangu ringangu si ninangu’. (Sas 20:12; Mat 15:4) Yesus botonge něgělị sasasa ene ual᷊ingu su tempong bědang kadodọ, i sie ”turusẹ̌ tụtuhụ” su matimade. (Luk 2:51, ctk., NW) Su tempong seng matělang, i sie něngatorẹ̌ tadeạu piạ u měngurusẹ̌ si mamạe su tempong i sie mate.​—Yoh 19:26, 27.

Orasẹ̌ ini lai, mangangudạ Sahani měngẹ̌ngadatẹ̌ matimadi sire. I sire tụtuhụ dingangu maudupẹ̌ mẹ̌bisara su matimadẹ̌. Sěběnarẹ̌e, parenta měngadatẹ̌ matimadẹ̌ ene tawẹ apa kětạkenge. Maning matimadi kitẹ seng maghurang, i kitẹ harusẹ̌ tatapẹ̌ měngadatẹ̌ si sire dingangu měngěndung bọu pelesang i sire. (Baw 23:22) I kitẹ lai měngadatẹ̌ matimadi kitẹ apang seng maghurang, carane měngurusẹ̌ si sire secara emosi dingangu materi, mạeng diperlukan. (1Tim 5:8) Tawẹ soale seng maghurang arau bědang mangudạ, i kitẹ harusẹ̌ masau mẹ̌bisara dingangu matimadẹ̌, tadeạu i kitẹ botonge měngadatẹ̌ si sire.

PẸ̌BIALA VIDEO ANIMASI PAPAN TULIS BAGAIMANA SUPAYA ORANG TUAKU MENGERTI AKU? BỌU ENE SIMBAHE KAKIWAL᷊O INI:

• Aramanung kawe nụe i kamene nẹ̌pěndang masigěsạ mẹ̌bisara dingangu matimadi kamene?

• Kerea i kamene měngadatẹ̌ matimadẹ̌ su tempong mẹ̌bisara dingangi sire?

• Kawe nụe piạ gunane mẹ̌bisara dingangu matimadẹ̌? (Baw 15:22)