PĚBAWIAHẸ̌ SAHANI
Pakatahuěnako su Pelayanan—Měpakẹ Kakiwal᷊o Pakapia
KAWE NỤE PENTING: ”Dal᷊ungu naungu taumata e mẹ̌sul᷊ungu akẹ u pahighi maral᷊ung”, hakị u ene kakiwal᷊o kai kere tatimbạ paketang gunang měngal᷊ạ akẹ ene. (Baw 20:5) Mạeng mẹ̌kiwal᷊o, i kitẹ makasingkạ pěndangu taumata apang dụdaringihẹ̌ si kitẹ. Pẹ̌sěnsul᷊ẹ, mạeng i kitẹ měgělị kakiwal᷊o seng nipile pakapia, i kitẹ makaěbạ informasi piạ gunane. Yesus něpakẹ pakapia kakiwal᷊o. Kerea i kitẹ botonge mẹ̌těno si sie?
KEREA CARANE:
-
Pěgělị kakiwal᷊o sudut pandang. Yesus něgělị haghing kakiwal᷊o gunang makasingkạ tiněnang manga murite. (Mat 16:13-16; be-IN 238 ¶4-6) Kakiwal᷊o sudut pandang kerea botonge paketangu?
-
Pěgělị kakiwal᷊o makaahạ si sie. Gunang měmal᷊ui tiněnang i Petrus, Yesus něgělị kakiwal᷊o dingangu něnadia piram baụ sasimbahẹ̌ botonge pileng, tadeạu i Petrus makakoạ kesimpulan nihino. (Mat 17:24-26) Kakiwal᷊o apa botonge paketangu gunang mẹ̌tul᷊ung taumata měkoạ kesimpulan nihino?
-
Daloi i sie. Su apang ahli Taurat ”simimbahẹ̌ maudupẹ̌ kahěngang”, Yesus nẹ̌dalo si sie. (Mrk 12:34) Kerea i kau botonge mẹ̌dalo taumata apang simimbahẹ̌ kakiwal᷊onu?
PẸ̌BIALA BAGEANG HUMOTONG VIDEO LAKUKAN PEKERJAAN YANG YESUS LAKUKAN—MENGAJAR, BỌU ENE SIMBAHE KAKIWAL᷊O INI:
-
Kawe nụe měněntiro kere ini dal᷊aị, maning apa nihabarẹ̌ ene nihino?
-
Kawe nụe bědang kurang mạeng i kitẹ kětạeng mělahẹ informasi?
PẸ̌BIALA BAGEANG KARUANE BỌU VIDEO ENE, BỌU ENE SIMBAHE KAKIWAL᷊O INI:
-
Kerea saudara ene něpakẹ kakiwal᷊o pakapia?
-
Apa lai kaěndungang i kitẹ bọu carane měněntiro?