Karěngụe i kau něngampal᷊ẹ̌ Kararatuangu Mawu duměnta? Su tempong kạpěngampal᷊e, aramanung i kau nakahombang sigěsạ. Apa i kau měngẹ̌ngampal᷊ẹ̌ dingangu kasasabarẹ̌? (Rm 8:25) Piạ tau Sahani ikẹ̌kawěnsingu taumata wal᷊inẹ, tẹ̌tingkaitang, niselẹ̌, arau lai pateěng. Piạ u lai nakahombang sasal᷊ukạ kere sakị mawěhạ arau seng maghurang.

Apa makatul᷊ung si kitẹ tatapẹ̌ mẹ̌tatahang měngampal᷊ẹ̌ dianding Mawu maning nakahombang sigěsạ? I kitẹ harusẹ̌ měnoghasẹ̌ pangangimang i kitẹ, carane ute mẹ̌basa Alkitapẹ̌ ěllo-ěllo dingangu mẹ̌tiněna ene. I kitẹ harusẹ̌ turusẹ̌ mẹ̌tiněna pělaharapi kitẹ. (2Kor 4:16-18; Ibr 12:2) I kitẹ harusẹ̌ mẹ̌doa si Yehuwa dingangu kaguwạu naung lai mẹ̌dorong tadeạu i Sie měgělị katatoghasẹ̌ bọu rohkẹ̌ masusi si kitẹ. (Luk 11:10, 13; Ibr 5:7) I Amang i kitẹ makěndagẹ̌ botonge mẹ̌tul᷊ung si kitẹ ”mẹ̌tatahang tumatěngo kěbị haghi dingangu kasasabarẹ̌ lai karal᷊uasẹ̌”.​—Kol 1:11.

PẸ̌BIALA VIDEO KITA HARUS ”BERLARI DENGAN TEKUN”—YAKINLAH AKAN MEMPEROLEH HADIAH, BỌU ENE SIMBAHE MANGA KAKIWAL᷊O INI:

• ”Barang tawe nikatikạ” apa aramanung kahombangeng i kitẹ su pěbawiahẹ̌? (Pkh 9:11)

• Su tempong nakahombang kasasusah, kerea daroa botonge makatul᷊ung si kitẹ?

• Mạeng i kitẹ tawe makakoạ mal᷊awọ hal᷊ẹ̌ i Yehuwa kere kangerẹ, kawe nụe i kitẹ harusẹ̌ turusẹ̌ měkoạ hal᷊ẹ̌ botonge ikakoạ i kitẹ?

• Apa makatul᷊ung si kau tadeạu tatapẹ̌ mangimang i kau sarung makatarimạ hadiah?