Su tempong i kau nakasilo bungang nẹ̌dal᷊ahaghing warna, langị napenẹu bituing, arau air terjun akẹe mal᷊awọ, apa i kau nakasilo kapaele hal᷊ẹ̌ u Měndariadi? Manga diadikang kẹ̌kasilong i kitẹ ene něnodẹ manga sipati Yehuwa. (Rm 1:20) Su tempong mẹ̌tiněna soal u diadikang nikasilong i kitẹ, i kitẹ sarung makaěna kawasa, kakěndagẹ̌, pelesa, dingangu kal᷊aadilẹ̌ lai kal᷊aělugu Mawu.​—Mz 104:24.

Apa piram baụ diadikang i Yehuwa kẹ̌kasilongu sabang ěllo? Maning i kau mětẹ̌tanạ su soa gěguwạ, i kau mang makasilo burung dingangu kalu. Mạeng i kitẹ kahěngang-hěngang měmanda manga diadikang i Yehuwa, apa gunane? I kitẹ tawe tumanịu stres dingangu gụgěnggang soal u masalah. Katewe, limembong mangimang i Yehuwa botonge měnadia kebutuhan i kitẹ sarang karěngụe. (Mat 6:25-32) Mạeng i kau piạ anạ, tul᷊ungko tadeạu i sire makasilo manga sipati Yehuwa tawẹ sihinge. Mạeng i kitẹ měngarěga manga diadikang ikẹ̌kasilong i kitẹ, pẹ̌dal᷊ahapị i kitẹ dingangu Měndariadi sarung kakạtoghase.​—Mz 8:3, 4.

PẸ̌BIALA VIDEO KEAJAIBAN CIPTAAN MENYINGKAPKAN KEMULIAAN ALLAH—CAHAYA DAN WARNA, BỌU ENE SIMBAHE MANGA KAKIWAL᷊O INI:

• Kerea pigmen makakoạ si kitẹ botonge makasilo haghing warna?

• Kawe nụe piạ haghing warna mal᷊ehong (iridescence)?

• Kawe nụe i kitẹ botonge makasilo haghing warna su langị?

• Maraning bal᷊enu, diadikang i Yehuwa sude warnane ikẹ̌kapuluangu?

• Kawe nụe i kitẹ harusẹ̌ měnadia tempo gunang měmanda alam su tampạ i kitẹ?