Alkitapẹ̌ seng naul᷊ị kalimona, Setang sarung měndariha si kitẹ tadeạu měngědo měnginjilẹ̌. (Yoh 15:20; Pěl 12:17) Kerea i kitẹ botonge mẹ̌tul᷊ung Anạu sěmbaụ apang seng nirarihang su tampạ bal᷊inẹ? I kitẹ botonge mědoa gunang i sire. ’Kakal᷊iomaneng i saing tụtuhụ kapulung [Yehuwa], mambeng masaria kawasane’.—Yak 5:16.

Apa botonge doang i kitẹ? I kitẹ botonge mědoa tadeạu Yehuwa měnoghasẹ̌ Anạu sěmbaụ i kitẹ dingangu mẹ̌tul᷊ung si sire tadeạu tawe matakụ. (Yes 41:10-13) I kitẹ lai botonge mědoa tadeạu pěměrenta měgělị izin si kitẹ měnginjilẹ̌ ”tadeạu i kitẹ makapẹ̌biahẹ̌be sukaral᷊enehẹ̌”.—1Tim 2:1, 2.

Su tempong i Paulus dingangi Petrus nirarihang, tau Sahani abad humotong nědoa kụ něsěbạ areng i rẹ̌dua. (MMR 12:5; Rm 15:30, 31) Maning i kitẹ běga areng i sire, ěndịu botonge lai mẹ̌sěbạ arengu sidang, negeri, arau tampạ e.