Papinintu soal u Tau Samaria Matal᷊ěntụ
Yesus nẹ̌běke papinintu ini gunang sumimbahẹ̌ kakiwal᷊o, ”I sai wue kasanggidangku e?” (Luk 10:25-29) Yesus masingkạ su sidangu tau Sahani sarung makomol᷊ẹ̌ haghing taumata, kere tau Samaria dingangu taumata wọu wangsa wal᷊inẹ. (Yoh 12:32) Papinintu ini něněntiro, manga tumatol᷊eng i Yesus harusẹ̌ kahěngang-hěngang mẹ̌tawakal᷊i kuměndagẹ̌ taumata wal᷊inẹ, maning tau ene sěbạe nẹ̌tatěntang bọu i sire.
KĚNANG PẸ̌TINĚNA:
-
’Kerea pěndangku su anạu sěmbaụ apang budayane nẹ̌tatěntang dingangku?’
-
’Apa iạ limembong masau mẹ̌dal᷊ahapị dingangi sire apang piạ sul᷊unge dingangku?’
-
’Apa iạ napakal᷊oahẹ̌ naungku kụ nẹ̌tawakal᷊i makasingkạ soal u anạu sěmbaụ apang latar belakange nẹ̌tatěntang dingangku?’ (2Kor 6:13)
I sai botonge takụ paringaneng . . .
-
měnginjilẹ̌ sěngkasio?
-
kumaěng su wal᷊eku?
-
tumol᷊e Ibadat Keluarga dingangu keluargaku?