’I Kemene Limembong Maarěga bọu Manga Hěnggeng’
Apa konteks bawerang i Yesus su Lukas 12:6, 7? Su ayatẹ̌ 4, i kitẹ nẹ̌basa Yesus naul᷊ị su tumatol᷊ene tadeạu tawahal᷊uasu matakụ su taumata apang měnděndarihạ arau mapulu měmate si sire. Yesus mapulu mẹ̌tul᷊ung manga murite tadeạu sadia tumatěngo kasasigěsạ sarung kahombangeng i sire. Hakị u ene i sie napakayaking si sire, su těngong Yehuwa kěbị ělang’E kai maarěga. Yehuwa tawe měmala si sire masigěsạ arau mate sarang karěngụe.
Kerea i kitẹ botonge mẹ̌těno si Yehuwa mapadul᷊i si sire apang dẹ̌darihang?
Su apa i kitẹ makaěbạ informasi kawuhuange soal u Sahiding Yehuwa apang niselẹ̌ ual᷊ingu pangangimang i sire?
Pira kal᷊awọe anạu sěmbaụ apang nitaho su selẹ̌?