Apa Harusẹ̌ Koateng i Kitẹ tadeạu Makoạ Tumatol᷊eng i Yesus?
Tadeạu běhị su ěntana makoạ matul᷊idẹ̌, su tempong měmungkalang ěntana měpakẹ bajakẹ̌, mẹ̌bawaelẹ̌ tawe wotonge mẹ̌bihu sarang likude. Kerene lai, tau Sahani tawe wotonge měmala kěbị apa seng nitěntang i sire, makasahaghe si sire.—Flp 3:13.
Su tempong nakahombang kasasusah, i kitẹ gampang mẹ̌tahěndung pěbawiahi kitẹ kangerẹ, aramanung těntal᷊ang i kitẹ bědang tawe nakoạ Sahiding Yehuwa. Su tempo kerene, biasane i kitẹ kětạeng mětẹ̌tahěndung hal᷊ẹ̌ mapapaelẹ̌, kụ i kitẹ miwul᷊e kangerẹ si kitẹ lai piạ lawọ masalah. Ene nariadi su tau Israel su apang i sire seng siměbang bọu Misire. (Pẹ̌t 11:5, 6) Mạeng i kitẹ turusẹ̌ mẹ̌tahěndung tempo seng nal᷊iu, i kitẹ sarung piạ kapulu gunang mẹ̌bal᷊ị su pěbawiahi kitẹ kangerẹ. Hakị u ene, kapaelange i kitẹ mẹ̌tiněna al᷊amatẹ̌ seng nikapěndangeng i kitẹ orasẹ̌ ini dingangu sarung gělịkangu Kararatuangu Mawu su tempo mahi!—2Kor 4:16-18.