Matatimadẹ̌ apang měnẹ̌němbah si Yehuwa sěbạe mapulu manga anạ i sire lai maněmbah si Yehuwa. Hakị u ene, matatimadẹ̌ harusẹ̌ mẹ̌suang těntirong Alkitapẹ̌ su naungu manga anạ i sire dongkeng kadodọ. (Pang 6:7; Baw 22:6, NW) Apa matatimadẹ̌ harusẹ̌ berkorban? Iya. Katewe al᷊amatẹ̌ kaěbakeng limembong mal᷊awọ sul᷊ungu pengorbanan ene.​—3Yoh 4.

Matatimadẹ̌ botonge měngěndung mal᷊awọ bọu i Yusup dingangi Maria. Sabang taung i sire ”makoạ sol᷊ong Yerusalem mědeạu mẹ̌sal᷊imbang u Ěllon Sal᷊imbangu Paskah”, maning i sire harusẹ̌ mẹ̌tawakal᷊i dingangu měněbang biaya. (Luk 2:41) Katewe, i Yusup dingangi Maria mapulu keluargang i sire mědal᷊ahapị mapia dingangi Yehuwa. Orasẹ̌ ini, matatimadẹ̌ lai botonge mẹ̌tul᷊ung manga anạ i sire tadeạu piạ masa depan kapaelange. Carane ute, i sire harusẹ̌ měpakẹ kěbị kesempatan gunang měněntiro manga anạ i sire bọu bawera dingangu kakanoạ.​—Mzm 127:3-5.

PẸ̌BIALẠE VIDEO MEREKA MEMANFAATKAN SETIAP KESEMPATAN, BỌU ENE SIMBAHE MANGA KAKIWAL᷊O INI:

• Kerea i Jon dingangi Sharon Schiller turusẹ̌ měngẹ̌ngal᷊imona kapulung Yehuwa su tempong kạpěhikinge manga anạ i sire?

• Kawe nụe matatimadẹ̌ harusẹ̌ měpakẹ cara nẹ̌tatěntang su tempong měněntiro dingangu měgělị disiplin su anạ, tuhụewe kebutuhan i sire?

• Kerea matatimadẹ̌ botonge mẹ̌tul᷊ung anạ i sire mẹ̌sasadia tumatěngo sasal᷊ukạ u pangangimang?

• Apa alat bantu bọu organisasing Yehuwa botonge paketang i kamene gunang mẹ̌tulung anạ tadeạu makoạ hapị i Yehuwa?